/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Луѓето кои се занимаваат со народна медицина, за ехинацеата имаат само убави зборови. Тие велат дека таа е моќна билка чие дејство не може да се спореди со ниедна друга билка. Таа е моќен природен антибиотик, чистач на лимфата и голем подржувач на имунитетот. Ехинацеата потекнува од Северна Америка и има многу типови од кои : Echinacea purpurea, Echinacea angustifolia и Echinacea pallida, покажале најдобро делување врз човековиот организам.

Ехинацеата содржи многу лековити компоненти кои кога би ги набројувале би направиле навистина голема листа. Многу од тие соединенија се ретки и ретко се наоѓаат во другите билки. Освен лековитите соединенија, ехинацеата е богата со многу етерични масла, кои козметичката и фармацевтската индустрија ги користи за изготвување на многу препарати кои се делотворни за човековата кожата и целиот организам. Научниците велат дека овие масла покажале одличен ефект и во борба против клетките на разни видови тумори. Оваа билка се користи од корен до цвет, од неа можат да се прават чаеви, тинктури, таблети и многу други лековити препарати, но научниците советуваат пред да се користи ехинацеата да се посоветувате со вашиот доктор или фармацевт бидејќи таа може да предизвика и несакани ефекти.

Колку ехинацеата е моќен антибиотик и антисептик покажува и фактот што нејзиното лековито дејство било познато уште на старите индијански племиња, кои од ова растение правеле екстракт кој го користеле против змиски каснувања или каснувања од други опасни и отровни животни. Главното дејство на ехинацеата е јакнење на имунитетот, и решавање на скоро сите типови на воспаленија, ехинацеата е без сомневање еден од најмоќните природни антисептици.

Ехинацеата е добра при чести инфекции на грло, афти, инфекции на препони, кожни реакции предизвикани од бактерии, при состојба на пад на имунитетот, грип и други слични состојби. Сепак мораме да нагласиме дека ехинацеата е лек кој не треба да се користи повеќе од неколку недели, таа е за краткотрајна и брза терапија, не за постојана употреба.

Кој НЕ смее да ја користи ехинацеата?

• Луѓе заболени од автоимуни заболувања
• Лупус
• Ревматоиден артрит
• СИДА
• Мултипла склероза
• Вродени колагенози
• Деца помлади од двaнаесет години
• Бремени жени
• Доилки
• Луѓе кои се на имуносупресивна терапија
• Луѓе кои примаат бета блокатори
• Луѓе кои земаат антидепресиви и сл.

Чај од ехинацеа

За да го подготвите чајот потребно е 30 до 50 грама исецкан корен од оваа билка. Потопете го исецканиот корен во еден литар топла вода и оставете да отстои десет минути. Пијте 3 до 5 мали шољи секој ден додека да се ослободите од заболувањето.

Важно!

• Известете го лекарот дека планирате да започнете терапија со ехинацеа
• Побарајте негово мислење во врска со интеракцијата на ехинацеата со лекарствата
• Не употребувајте ехинацеа ако сте здрави и немате проблеми
• Не ја прекинувајте терапијата дадена од лекар додека употребувате ехинцеа
• Секогаш консултирајте се со вашиот фармацевт дали лекот кој ви го издава е еден од групата горе наброени и дали има интеракција со ехинацеата
• Ехинацеата е растение кое има голема моќ врз имунитетот заетоа никако не го препорачувајте на луѓе со автоимуни заболувања