/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Сонцето и зраците на сонцето се неопходни за човечкото тело да го синтетизира витаминот Д.

Витаминот Д е исто така неопходен за метаболизмот на фосфор и калциум, бидејќи овозможува нивна апсорпција од цревата, односно нивно понатамошно искористување од храната што ја внесуваме. Витаминот Д е важен за таложење на овие минерали во коскеното и забното ткиво. На овој начин се зајакнуваат коските и забите.

Луѓето со недостаток на овој витамин се склони кон кариес. Друго важно влијание на Витамин Д е тоа што ги забрзува одбрамбените процеси во парадонтот, односно ткивото што ги опкружува забите. Витаминот Д влијае на клетките на пародонтот на лигаментите на начин што ги стимулира да произведат антиинфламаторни антитела и да се борат против воспалението во парадонтот. Ова во голема мерка придонесува за спречување на развој на заболувања на непцата, гингивитис и пародонтопатија.

Неодамнешните истражувања во стоматологијата покажуваат значително влијание на витаминот Д во спречувањето на орални заболувања, кариес и парадонтопатија.

Сончањето треба да се користи со претпазливост, бидејќи долго и несоодветно изложување на сонце доведува до неконзистентни ефекти врз нашето здравје. Несаканите ефекти се изгореници, исто така, со кумулативни неповолни ефекти подоцна што доведуваат до предиспозиција и ризик за понатамошно оштетување на кожата и заболувања. Можеме да го избегнеме ова со ограничување на нашиот престој на сонце, изложување на сонце рано наутро и доцна попладне, и секако да се избегне изложување на сонце напладне.