/11 /11

И покрај тоа што пиела контрацептивни пилули, таа стана една од најстарите мајки во Велика Британија, кои зачнале по природен пат.

Госпоѓа Хјуз зела тест за бременост откако нејзиното семејство почнало да ја зафркава затоа што ставила на тежина и имала чуден сјај во очите. По читањето на позитивниот резултат на тестот за бременост не можела да им верува на очите, па ставила очила.

Експертите за плодност го опишале нејзиниот случај како извонреден!

“Родив три деца и мислев дека тие денови за мене завршија. Земав контрацептивни пилули заради сигурност, но никогаш не ни помислував дека можам да забременам “.

“Јас сум баба и сакам да се грижам за своите внуци. Никогаш не мислев дека повторно ќе се грижам за свое бебе.”
Госпоѓа Хјуз има два сина, Марко 26. и Брендон 11. години. Нејзината ќерка Хајли загина трагично само една недела пред нејзиниот 18. роденден. Баба е на две внуки, Лидија и Никол.

Нејзините сомнежи за бременост започнале во март, минатата година, кога веќе била во петтиот месец на бременост.

“Марк забележа дека мојот стомак е малку испакнат и почна да се шегува со мене дека сум ставила на тежина и дека можеби сум бремена. Тоа ми се чинеше невозможно, бидејќи имав редовни циклуси. Мислев дека купувањето на тест за бременост е фрлање пари, но кога се покажа позитивен, не можев да им верувам на своите очи. Излегов и купив уште три тестови за да бидам сигурна.”

По информирањето на нејзиниот гинеколог, Мис Хјуз отишла на ултразвучен преглед. И покрај тоа што сите биле загрижени, таа имала школска бременост, без никакви компликации.
И покрај јазот од 11 години, на госпоѓа Хјуз не и било потребно долго време за да ја почувствува магијата на мајчинството. “Чувството што држам свое дете во раце на 53 години беше неверојатно. Го имав истото чувство како и за другите мои деца. Повеќе се заморувам од порано, особено во текот на ноќта. Но уживам во улогата на мајка која ми е од Бога дадена”.

Марк Седлер, консултант за плодност во Клиниката за гинекологија и акушерство вели:”Да се роди бебе на оваа возраст, без третмани за плодност, е навистина фасцинантно. Шансите се речиси исти колку и да се добие на лото!”