Фото:Canva/Научи да се слушнеш. Да се прегрнеш. Да си простиш.

/11 /11

Многу е лесно да им дадеме нежност, охрабрување и разбирање на другите. Кога некој ни е важен, се трудиме да го подигнеме, да му простиме, да му дадеме шанса. Но кога станува збор за нас самите, неретко сме најстроги, најнетрпеливи и најосудувачки.

А вистината е едноставна. Вашето срце исто така заслужува мекост. Вашата душа заслужува место каде што нема осуда. Вашите грешки заслужуваат да бидат разбрани, а не казнети.

Да се сакате себеси не значи да мислите дека сте совршени. Тоа значи да знаете дека вредите и кога учите, и кога се лизгате, и кога се обидувате повторно.

Денес, направете едно мало нешто за себе, зборувајте со себе исто како што би зборувале со некој што навистина го сакате, со нежност, со трпение, со љубов.

Бидете благодарни што сте тука.

Афирмација за денес:
„Го прифаќам својот процес. Учам, растам, се развивам. Заслужувам љубов и од другите, и од себе.“

Секоја љубов почнува со онаа кон себе.

Ваша Рингераја.