/31 /11

Почитувани пријатели,

Ве информираме дека нашето здружение за заштита на животните „Анима Мунди„ организира дводневен фестивал ВЕГЕФЕСТ, кој ќе се оддржи утре и задутре во Старата скопска чаршија ( на платото на Чифте амам и кафе барот Ла кања), со цел промоција на правата на животните, како и промоција на здравата, разновидна и вкусна вегетаријанска исхрана.

Во прилог ви ја доставуваме целосната програма на фестивалот,  на кој со големо задоволство Ве каниме да ни бидете гости.

Воедно информираме дека паралелно со фестивалот, и двата дена (сабота/ недела; 13:00 – 17:00 часот) организираме ДЕТСКО КАТЧЕ кое нуди богата, весела програма за најмалите – жонглери, креативни работилници, музика, многу весела дружба заедно со волонтерите на Анима Мунди и бројните пријатели на фестивалот.

Од тие причини дополнително Ве замолуваме да ја споделите оваа вест и покана да што повеќе дечиња дојдат и уживаат. Однапред ви благодариме.

„За клинци и клинцези, принцови и принцези, ДЕТСКО КАТЧЕ НА ВЕГЕФЕСТ со аниматори од Анима Мунди и најдобрите жонглери на светот FUZZBUBBLE! 

КОГА ? Сабота/недела, од 13:00 па се до 17:00,

КАДЕ? на широкото плато на Чифте амам (покрак кафе бар Ла кања) во Старата скопска чаршија

ЗОШТО? зошто на едно место собрани ќе има жонглери, магионичари, аниматори, цртање, креативни работилници за најмалите и најмилите , како и здрава, вкусна закуска за дечињата..повеќе инфо на:http://www.facebook.com/note.php?saved&¬e_id=440397196016524&id=166688476720732 „

Здружение за заштита на животни „Анима Мунди„