/21 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Кога здравото новороденче ќе биде поставено на мајчиниот стомак и мајчините гради со контакт кожа на кожа во првиот час по раѓањето, тоа покажува чудни способности. Бебето е будно. Тоа може да лази стимулирано од нежниот допир на мајката, преку нејзиниот стомак барајќи ја мајчината дојка и почнува да ја допира со устата. Со првиот нежен допир со глава, рака или уста на мајчината дојка, се поттикнува ослободување на окситоцин кај мајката, со што се стимулира протекувањето на мајчиното млеко и се зголемува и потврдува љубовта на мајката кон бебето.

Бебето потоа ќе ја помириса, ќе ја проба и ќе ја лиже мајчината брадавица. Конечно, ќе се прицврсти на брадавицата и ќе почне да се храни. Овој тек на настани е важен за опстанокот на новороденчето, а со тоа и на целиот човечки род.

Иако многу автори го опишуваат ова како нормално однесување на новороденчето, дури сега ја откриваме важноста од давањето на можност на мајката и детето тоа да го доживеат. За прв пат истражувачите го процениле ефектот на времето на првиот подој врз морталитетот на новороденчето – покажувајќи дека смртноста кај новороденчето може да биде значително помала, ако тоа се подои во првиот час по раѓањето.