/11 /11

Дури ни таму не се сите случаеви смртоносни, пишува “Huffington Post”.

Зошто некои луѓе успеваат да го победат овој вирус, а некои не?

Еболата се шири преку контакт, било дали преку допирање на отворена рана или допирање на носот и очите со заразени раце.

Кога ќе се најде во телото, еболата ја напаѓа првата линија на одбрана од нашиот имунолошки систем, блокирајќи ги неговите повици за помош.

Вирусот се репродуцира со голема брзина, заразувајќи разни врсти ќелии пред системот да ја препознае заканата и да почне да се бори.

Дури кога ве телото вирусот добро ќе се прошири, тогаш се појавуваат првите симптоми – температура, болка на мускулите, главоболка, суво грло, повраќање.

Не е познато зошто еболата има различен пристап кај различни личности. Меѓутоа, колку брзо ќе се појават симптомите зависи од количината на вирус на која личноста била иницијално изложена.

Светската здравствена организација објаснува дека најмногу од вирусот се најдува во крвта, повраќаницата и изметот.

За ебола не постои одреден третман, но специјалисти тврдат дека внесувањето на интравенски течности, како и одржување на крвниот притисок е клучно за на телото да му се даде доволно време да се избори со вирусот.

Интензивната дијареа и повраќање можат да доведат до дехидрација, додека во најлошите случаеви крвните садови на пациентите почнуваат да им “течат”, предизвикувајќи паѓање на крвниот притисок до опасно ниски нивоа.

“Се потпираме на одбраната од телото да го контролира вирусот. Мораме пациентот да го одржиме доволно долго во живот за неговото тело да успее да воспостави контрола над инфекцијата“, тврди др. Брус Рибнер од Ејмори универзитетската болница во Атланта која успешно излечи три заразени со ебола и сега се грижи за една од медицинските сестри од Далас.

Меѓутоа, преживувањето зависи и од тоа колку брзо пациентот ја добил потребната нега, како и неколку фактори кои не се во нашите раце.

Научниците сметаат дека важен фактот е и почетната реакција на имунолошкиот систем – дали премногу бели крвни зрнца умираат пред да започнат борба со вирусот.