Фото:Canva/Вистинската љубов е прифаќање на другиот со сите негови доблести и несовршености и го сакате токму таков каков што е, без обиди да го промените.

/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Таа не се мери со големи зборови или чекање да се создадат совршени моменти, туку со мали, искрени дела кои ги правиме секој ден.

Во свет каде што сè се менува брзо, времето за час лета, љубовта останува најголемата сила што нè поврзува, нè лечи и нè потсетува што навистина значи да бидеш човек.

Денес бидете благодарни за љубовта што ве опкружува, за семејството, пријателите, партнерот, но и за љубовта што ја носите во себе. Бидете благодарни што знаете да сакате и што дозволувате да бидете сакани. Тоа е најголемиот благослов.

Вистинската љубов не бара совршенство. Не е само во зборовите кажани едни на други, туку и во тишината меѓу двајца што се разбираат без да зборуваат. Не е во тоа да поседувате некого, туку да му дадете слобода да биде свој и да го поддржувате во тоа.

Таа не е оган што изгорува, туку светлина што трае и ни го осветлува патот ако правилно ја негуваме.

Афирмација за денес:

„Јас сум љубов. Ја давам и ја примам љубовта со отворено срце. Привлекувам искрени односи, полни со разбирање, нежност и почит. Верувам дека љубовта секогаш ќе ме води кон најдоброто.“

Денес, насмевнете се и знајте дека љубовта не доаѓа само однадвор од другите луѓе околу нас, таа започнува во вас. Колку повеќе љубов носите во своето срце, толку повеќе светлина и љубов давате на светот.

Ваша Рингераја.