/11 /11

Жената и сите животинки женски, кога се родиле, прво се родиле улогави. Сполај му на Бога, ги зел сите малецки родени, да речиме јагнето од овцата, телето од кравата, ждребето од кобилата и другите, та ги префрлил преку еден рид и ги благословил сите на нозе да застанат и да си проодат. И од тој саат секое животинче што се раѓа, на нозе си паѓа.

Посегна и од жената да го земи детето да да го префрли преку ридот. Арно, туку сирота жена го стегна во раце и не сакала да го дај. Бре сполај му на Бога, тој тргај, таа тргај, не можеше да и го земи (не оти не можеше, туку сакаше сама таа да се кандиса) Виде не виде и го остави и ја благослови:

- Е, ај да си благословена ти, жено, лели не ми го даде детето за да ти го префрлам како на сите животинки, ти да го гледаш од година повеќе улогао. Се в раце да го носиш дури да ти прооди!

Адаптирал: Барбара Синадиноска