Фото:Canva/Дали знаевте дека женската енергија, концентрација и метаболизам се менуваат во четири различни фази секој месец? И дека можете да ги искористите овие промени во ваша корист?

/11 /11

Колку подобро го разбирате, толку полесно ќе се грижите за себе.

Ова е едноставен, но моќен водич за тоа што навистина треба да знаете за вашиот циклус.

1. Што е менструален циклус?

Целосниот циклус започнува на првиот ден од крварењето и трае до денот пред следната менструација. Нормален циклус може да трае помеѓу 24 и 35 дена, и да биде различен кај секоја жена, а тоа е сосема во ред.

2. Фази на циклусот и што значат тие

Менструалниот циклус има четири главни фази, секоја со свој хормонален „потпис“.

1. Менструална фаза (ден 1-5)

Во оваа фаза нивото на хормони паѓа, а телото го исфрла слузокожниот слој од матката. Често сте поуморни, поосетливи и ви треба повеќе одмор.

Во оваа фаза хидратацијата и лесните оброци ќе ви помогнат.

2. Фоликуларна фаза (ден 1-13)

Се преклопува со менструацијата, но продолжува и по неа. Во оваа фаза расте естрогенот, се развива доминантниот фоликул и се зголемува енергијата и мотивацијата.

Ова е одличен период за физички активности, нови проекти и учење.

3. Овулаторна фаза (ден 14-16)

Ова е моментот кога јајце-клетката се ослободуваи тогаш либидото расте. Може да имате и прозирен цервикален мукус сличен на белка од јајце. Енергијата и самодовербата во овој период се највисоки.

Ако планирате бременост ова е вашиот прозорец. Ако не планирате погрижете се за контрацепција.

4. Лутеална фаза (ден 17-28)

Ова е ПМС периодот во кој се лачи прогестерон. Може да се почувствуваат промени во расположението, напнатост, глад, чувствителни гради. Енергијата во оваа фаза почнува да опаѓа.

Во оваа фаза намалете кофеин и шеќери, а додадете магнезиум и лесни прошетки.

3. Како да го следите вашиот циклус?

Не ви треба ништо комплицирано. Може да следите: календар, мобилна апликација, белешки за симптоми, температура ако следите овулација.

Следењето помага да го разберете вашето тело, да намалите стрес, да предвидите промени и да забележите ако нешто „не е како што треба“.

4. Кога циклусот испраќа предупредување?

Обратете внимание ако:

• имате циклуси под 21 ден или над 35 ден,
• пропуштате повеќе циклуси,
• крварењето е многу обилно или многу болно,
• имате долготраен ПМС што го нарушува секојдневието.

Тоа не значи веднаш нешто страшно, но е знак дека вреди да се поразговара со гинеколог.

5. Циклусот е петти витален знак

Како што пулсот, крвниот притисок и температурата кажуваат многу за здравјето, така и менструалниот циклус е еден од најважните индикатори за хормоналната состојба.

Разбирањето на циклусот не е само медицинска „женска работа“ тоа е самоодговорност и самопочит.

Кога ќе научите како функционира вашето тело, ќе разберете зошто еден ден сте супер продуктивни, а другиот имате потреба од тишина. Ќе се чувствувате помоќно, поспокојно и поврзано со себе.

Циклусот не е товар тој е ваш компас.