/11 /11

Сте чувствувале ли некогаш  дека сте уморни, слаби  и како без здив? Тоа се едни од најдобрите показатели на недостаток на железо во крвта. Долготрајниот дефицит на овој важен елемент е основа за развој на анемија.

За да ја вратите енергијата, а и за да се заштитите од анемија, нема да биде лошо да вклучите во вашата исхрана повеќе производи богати со железо.

Недостатокот на железо е еден од најпознатите, одамна документирани, дефицити на исхраната. Овој елемент е клучен за производство на црвени крвни клетки. Тој има водечка улога и во преносот на кислород до сите делови на телото, како и за изнесувањето на јаглеродниот диоксид од ткивата.

Анемијата се среќава најчесто кај жени, девојки, деца и спортисти.

Недостатокот на железо може да биде поправен преку храна богата со овој важен елемент. Еве кои се најдобрите извори на железо во природата:

Животински органи - црн дроб, срце, бубрези. Тие се познати како моќни енергетски носители заради високата содржина на железо. Освен тоа се богати со витамини, аминокиселини и други минерали.

Иако се богати со железо, овие храни не се препорачуваат на бремените жени, како и на луѓето кои страдаат од кардиоваскуларни болести поради висок холестерол, пациенти кои претрпеле мозочен удар или инфаркт.

Морските плодови, црвените меса, јајцата и пилешкото месо се исто така прекрасни извори на железо.

За вегетаријанците е многу важно да се придржуваат кон препораките за исхрана и да консумираат производи кои изобилуваат со  железо, бидејќи тие од својата исхрана ги исклучиле месните производи и нивните деривати.

Прекрасни вегетаријански извори на железо се темнозелени лиснати зеленчуци, како спанаќ. Исто така грашок, цвекло, грав и коријандер. Од овошјето такви се сувото грозје, урмите, кајсиите. Од јаткасти плодови и семиња добри извори на железо се бадемите, оревите, семките од сончоглед, семки од тиква и сусам.

Варивата исто така се исклучително корисни во овој контекст.

Луѓето кои јадат месо, имаат малку повеќе предност пред  луѓето кои јадат вегетаријанска и веганска храна,бидејќи железото добиено од месо и млечни производи многу полесно се апсорбира, од она добиено од вегетаријански производи.

Важно е да се напомене дека пијалоците кои содржат танини како чајот и кафето, не треба да се пијат за време на оброк, бидејќи нивното  мешање со производите ја попречува апсорпцијата на железото. Прекумерното консумирање на калциум исто така и штети на апсорпцијата на железото. Затоа избегнувајте да јадете спанаќ со сирење или урда на пример.