/11 /11

Директорката на Kлиниката, Аспазија Софијанова, вели дека завчера тим американски и македонски лекари во една од операционите сали извршиле детален преглед на детето.

- Операцијата ќе ја извршат американски лекари во Скопје, со помош на македонски хирурзи. Американските лекари утврдија дека всушност голем дел од јазикот на Најден е отсечен и тоа што останало е одвај во функција. Најверојатно тие што го сториле тоа сакале да му го откорнат целото јазиче. Kога Најден дојде во болница му беше закрпен коренот на јазикот, сега е потребно да се направи реконструктивна операција. Тој е сега во стабилна здравствена состојба. Овој случај ги затече и лекарите од Америка зашто досега не се случило да работат со пациент што се родил без јазик бидејќи нема таков – вели Софијанова.

Таа е оптимист и вели дека по реконструкцијата на јазикот Најден ќе може без проблем да јаде и зборува, но ќе биде потребен долг период да работи со логопед за да може говорот да му биде артикулиран.

Тимот американски лекари го предводи доктор Таб Kалбсрон. Тој вчера изјавил дека Најден е стабилен и дека ќе се обидат да му помогнат.

Извор: Денешен.мк