Фото:Canva/Додека за нас се мали гестови, за бебето тоа се првите чекори кон чувството „Јас постојам“.

/11 /11

Но, еден од најинтересните процеси во првата година од животот е формирањето на сопствениот идентитет. Иако не зборуваат и не можат да ги објаснат своите емоции, бебињата постепено почнуваат да разбираат дека се посебни суштества одвоени од мама и тато.

Во продолжение откриваме 5 суптилни, но важни знаци дека вашето бебе почнува да го препознава своето „јас“.

1. Почнува да го истражува сопственото тело

Во првите месеци, бебето ги гледа рацете и нозете како интересни движења во просторот. Но по околу 3 до 5 месеци, ќе забележите дека: ги набљудува подолго своите дланки, се обидува да ја фати својата нога, си ги става прстите во уста.

Ова не е случајна игра туку првото препознавање на телото како свое.

2. Реагира различно на лицата

Бебињата отсекогаш реагираат на лица, но околу 6 месеци се појавува првата јасна разлика во неговите реакции: насмевка и возбуда за познати лица, задржување или плач при непознати.

Ова покажува дека детето веќе создава ментална слика за „свои луѓе“ и препознава емоционална близина.

3. Се препознава во огледало

Целосното препознавање во огледало се случува најчесто околу 18-24 месеци, но основата на ова препознавање се поставува многу порано.
Околу 7-12 месеци, бебето: се насмевнува на своето одраз во огледалото, го допира стаклото, пробува да го допре „другото бебе“.

Ова покажува дека разбира дека постои како физичко суштество, иако потполното самопрепознавање допрва ќе се развива.

4. Изразува желби и избор

Околу 8-10 месец бебињата почнуваат да: посегнуваат за одредена играчка, одбиваат храна која не им се допаѓа, покажуваат радост кога гледаат нешто што го сакаат.

Ова е почетокот на личниот вкус и сопствените преференции што е голем чекор кон градење идентитет.

5. Покажува емоции на уникатен начин

Со тек на време, бебето не само што плаче или се смее туку: се смеe со карактеристичен звук, покажува љубомора или гордост, бара утеха од одредена личност.

Ова значи дека бебето почнува да ги разбира и изразува сопствените емоции, не само да реагира инстинктивно.

Идентитетот на бебето се развива постепено. Секој поглед, насмевка, движење и звук носат порака:„Јас сум тука. Јас сум јас.“

Вашата улога како родител е: да го следите ритамот на бебето, да му дозволите да истражува, да му покажете дека неговите чувства и реакции се важни.

Така се гради првиот и најсилен темел, а тоа е самодовербата.