/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Истражувањата објаснуваат зошто бебињата се толку зависни од родителската љубов, што е тоа што предизвикува да се заљубиме во своето бебе на прв поглед и зошто љубовта која ја чувствуваат родителите никогаш не престанува и покрај фактот што нашите деца некогаш не нервираат повеќе од било кој друг. Врската меѓу родителите и децата се менува со текот на годините, но значењето и важноста на тој однос никогаш не избледува.

Љубов и разгаленост

Не е возможно бебето да го разгалите со љубов. Тоа што му подарувате нежност и внимание, што го галите, нишкате и сакате – може само да влијае на неговиот правилен психички развој. Благодарене на љубовта која родителите му ја подаруваат на бебето, кај него се развива чувство на сигурност, а тоа е нешто најдрагоцено што можеме да и дадеме.

Чувствување во пренаталниот период

Немојте да се изненадите што ќе почувствувате љубов кон бебето уште додека е во стомакот. Како што се наближува терминот за породување, Вашиот мозок произведува се повеќе и повеќе окситоцин – хормон кој го поттикнува мајчиниот инстинкт. Окситоцинот е познат и како хормон на љубовта, а кај трудниците има за задача да го намали стресот во тек на породувањето.

Бебето, исто така, воспоставува врска со Вас додека е во стомакот. Исѕтражувањата покажуваат дека срцето на бебето чука побрзо кога ќе го чуе мајчиниот глас. На мајчиниот глас и отчукувањата на мајчиното срце, бебето ќе се навикне уште додека е во стомакот. Башш заради тоа и кога ќе се роди бебето се чувствува најпријатно во мајчината прегратка.