/11 /11

Децата се способни да го имитираат изговорот и самите да ги откријат и сфатат правилата на јазикот. Ним не им паѓа на ум дека зборувањето на англискиот јазик е тешко, освен ако тоа мислење не им го наметнат возрасните, кои најверојатно англискиот јазик го изучувале на поголема возраст преку учебници базирани на граматика.

Предноста на раниот почеток

• Малите деца сé уште ги користат индивидуалните и вродени стратегии за учење на мајчиниот јазик и брзо сфаќаат дека истите стратегии може да ги искористат за да прозборат и англиски јазик.

• Малите деца имаат време да учат преку игра. Тие го усвојуваат јазикот учествувајќи во активности заедно со возрасните. Прво, тие ја сфаќаат смислата на активноста, а потоа и значењето на јазикот на кој се разбираат со возрасните.

• Малите деца имаат повеќе време да го вклопат учењето на англискиот јазик во сопствената секојдневна програма. Училишните програми за таа возраст се главно неформални и мислите на децата сé уште не се претрупани со информации. Тие имаат малку или воопшто немаат домашни задачи, и не се под стрес дека мора да ги постигнат поставените стандарди.

• Децата кои имаат можност да усвојат втор јазик додека се сé уште мали, често ги користат истите вродени стратегии за учење на други јазици во текот на животот. Усвојувањето на трет, четврти или на повеќе јазици е полесно отколку усвојувањето на втор странски јазик.

 • Постои поголема веројатност малите деца кои го усвојуваат јазикот, наместо свесно да го изучуваат како поголемите деца и возрасните, да имаат подобар изговор и подобро чувство за јазикот и културата. Кога децата кои зборуваат само еден јазик ќе стигнат до пубертет, тие стануваат самосвесни. Нивната можност за “впивање” на јазикот се намалува и тие сметаат дека мора свесно да го изучуваат преку програми базирани на граматика. Возраста на која се случува ваквата промена зависи од развојното ниво на детето и од општествените очекувања.(продолжува)

2 дел: Фази во усвојувањето на англискиот јазик 
3 дел: Опкружувања за учење на јазикот