/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Изберете го најдоброто време. Не го правете ова во моменти кога бебето е вознемирено или плаче, оставете го за делот од денот кога бебето е расположено. Дали тоа е наутро кога ќе се разбуди, или после оброк, бидете сигурни дека е смирено и дека не е под стрес.

Земете ги вистинските алатки. Ви требаат пар ножици и чешел. До себе имајте и помпица со вода, или специјален спреј за отплеткување на косата за деца.

Побарајте помош. Ако бебето е немирно (а повеќето се), најдобро е да го потстригувате кога ќе има некој дома за да Ви помогне. Ќе Ви бидат потребни двете раце за стрижење, па затоа не се обидувајте да го држите бебето со едната рака, а да го стрижете со другата.

Започнете од врвот на главата. Можеби ќе треба стрижењето да се одвива на неколку пати, ако Вашето бебе станува вознемирено, затоа истрижете му ги шишките најпрвин. На овој начин, дури и да треба да престанете со стрижење, косата веќе не е над неговите очи. Потоа можете да продолжите со стрижење на косата отстрана.

Одете кај професионалец. Доколку првото стрижење Ви е премногу стресно, одете до најблискиот фризерски салон за деца. Фризерот секако има повеќе искуство од Вас, а Вие ќе му помогнете занимавајќи го бебето.

Зачувајте спомен. Доколку немате кој да фотографира, зачувајте парче од првата коса на бебето во неговата радосница.