/11 /11

На возраст од 28 години Chiara Corbella беше среќно мажена за Enrico Petrillo, но двојката претрпе загуба на две деца, кои ги нарекле Дејвид и Марија, заради дефекти во развојот.

Во 2010. година Chiara останала бремена по трет пат а лекарите рекоа дека овој пат бебето се развива нормално.

Трагедијата настана кога на 28-годишната мајка и беше дијагностицирана агресивна форма на рак по што и беше препорачано да започне со терапија која би го довела во опасност животот на бебето.

Corbella и Petrillo, кои станаа активисти на Римокатоличката црква по загубата на двете деца, донесоа одлука за одложување на третманот за доброто на неродениот син Франциско.

Бебето дојде на свет на 30. мај 2011 година, но наскоро потоа здравјето на Corbella почна да се влошува со што таа го загуби видот на едното око.

По едногодишната тешка битка со смртоносната болест Corbella почина на 13. јуни следната година.

Нејзиниот сопруг и даде ветување дека кога нивниот син ќе биде доволно возрасен за да сфати, тој ќе му објасни каква жртва направила неговата мајка.

“Ќе му кажам што направи неговата мајка. Си овозможи себеси да биде сакана и на некој начин покажа љубов кон сите со својата постапка...и кон тие што заминаа и кон нас кои останавме тука. Ја чувствувам многу по жива од секогаш.”

Илјадници луѓе од Рим присуствуваа на нејзината миса на 16. јуни во црквата во Рим, славејќи ја нејзината храброст и молејќи се за неа.