/11 /11

Луѓето кои спијат помалку од 6 часа во текот на ноќта имаат значително поголем ризик од добивање на срцев или мозочен удар.

Научниците предупредуваат дека доцното легнување и раното станување може да има кобни последици по здравјето. Сепак, се повеќе луѓе живеат со оваа лоша навика, поради бројните обврски кои ги имаат.

Но внимателно! И предолгото спиење може да доведе до срцев удар, но од други причини. Имено, потребата за сон од 9 или повеќе часа може да биде предупредување дека нешто не е во ред со срцето, па доколку имате такви навики на спиење, истражувачите препорачуваат лекарски преглед.

Своите заклучоци научниците ги донеле анализирајќи преку 400 000 студии за навиките на спиење на луѓето ширум светот. Истакнуваат дека квалитетниот сон е исклучително важен за здравјето, што покажуваат и бројните други истражувања.

„Трендот на доцна легнување и рано станување, всушност е темпирана бомба за нашето здравје. Тоа треба итно да го промениме, ако сакаме да го заштитиме здравјето, па дури и самиот живот. Денес од нас се очекува совршено да ги исполнуваме многубројните обврски и сето тоа го правиме на сметка на спиењето. Сепак, се поставува прашањето дали сето тоа е вредно за да си го нарушиме нашето здравје“, изјавил Dr. Francesco Cappuccio, професор на Универзитетот Ворик.