/11 /11

Од Австралија до Америка и од Азија до Европа и Африка најпознатите згради и споменици - Операта во Сиднеј, Христос Спасителот во Рио де Женеиро, Емпајер стејт билдинг во Њујорк и Ајфеловата кула во Париз, ќе потонат во мрак во 20,30 часот по локално време.

Во Сиднеј и други градови учесниците во големиот број случувања во рамки на оваа акција ќе им оддадат со едноминутно молчење почит на жртвите во катастрофалниот земјотрес и цунами брановите во Јапонија од 11 март.

„Часот за Земјата“ е глобален повик до поединците, компаниите и секоја општествена заедница да преземе одговорност и да се вклучи во акцијата за штедење на енергија и зачувување на енергетските ресурси, а со тоа и на заедничката иднина.

Глобалната иницијатива започна во Сиднеј во 2007 година, кога 2,2 милиони семејства и претпријатија ги изгаснаа светлата на еден час, а две години подоцна овој настан стана и светско движење со милиони учесници во 92 земји.

Акцијата, во која оваа година ќе учествуваат повеќе од 6.000 градови од 134 држави, ја организира Светскиот фонд за природа. За „Часот на Земјата“ првото осветлување ќе биде исклучено во Фиџи, а потоа во Нов Зеланд.