/11 /11

Кога ќе се утврди неплодност на едниот или двајцата сопружници почнува борба, понекогаш предолга и полна со поими кои дотогаш не Ви требале, а сега тешко ги разбирате.

Рингераја за Вас подготви речник на поими поврзани со неплодноста со цел да Ви го олесни патот кон толку посакуваната цел, Вашето бебе!

ACTH - адренокорикотропен хормон. Хормон на хипофизата кој ја стимулира надбубрежната жлезда на создавање андроген и кортизол.

ANAMNEZA - податоци за досегашната здравствена состојба на пациентот.

ANALIZA NA SEMENSKI MATERIJAL - утврдување на бројот, подвижноста и морфологијата на семенскиот материјал

AZOOSPERMIJA - Отсуство на сперматозоиди во ејакулатот

ASTHENOZOOSPERMIJA - намалена подвижност на сперматозоидите

AIM (IUI)- хорнологна интраутерина инсеминација. Вбризгување на семенски материјал на сопругот во материцата.

APSTINENCIJA - воздржување од полови односи.

AID - хетерологна инсеминација. Вбризгување на семенски материјал на донор во материцата

ANOVULACIJA - отсуство на овулација.

ANDROGENI - машки полови хормони (тестостерон, DHT, андростердион и сл.)

(BETA)ßHCG - бета ланец на hCG , кој е специфичен само за тој хормон

BLASTOMER - клетки кои се создаваат со поделба на оплодената јајна клетка.

BLASTOCISTA - зачеток со повеќе од 100 клетки во кои почнала диференцијација.

BRAZDЕNJE- делба на клетки во зачетокот.

BT bazalna temperatura - температура која секојдневно се мери во исти услови пред станување од кревет.

CD Color Doppler - доплер во боја. Ултазвучен преглед со кој се испитува крварењето на некои органи.

CORPUS LUTEUM - жолто тело. Жлезди во внатрешноста на јајникот кои настануваат од фоликулот кој ја испуштил јајце клетката. Произведуваат хормони кој го подготвуваат ендометриумот за имплантација.

CERVIKS - врат на материцата

CERVIKALЕN FAKTOR - промени во вратот на материцата пред овулација (цервикална слуз и сл.)

CITOGENETIKA - метод на анализа на хромозоми.

DECIDUA - дел од ѕидот на материцата со кој зачетокот дошол во контакт и ја започнал имплантацијата.

DIFERENCIJACIJA- е процес во кој наследно еднаквите клетки структурно и функционално стануваат различни.

DISMENOREA - болна менструација

ENDOMETRIUM - ѕид на материцата. Под влијание на хормоните се менува и се подготвува за бременост. Доколку не дојде до бременост се лупи и се исфрла со менструација.

ENDOMETRIOZA - присуство на ткива од ендометриумот вон материцата на места како што се јајниците и стомачната шуплина.

ESTROGENI - хормони на јајниците, надбубрежната жлезда, но и останати ткива (нпр масно ткиво)

EJAKULAT - семенски материјал

ENUKLEACIJA - операција со која се отстранува циста и миом

EMBRIO - зачеток

ESTRADIOL (E2) - најсилен естроген. Темелен полов хормон кој ја поттикнува работата на сите ткива и органи.

EPIDIDIMIS. DUCTUS DEFERENS - изводни канали на тестисите.

ENDOMETRITIS - воспаление на ендометриумот.

FET (frozen embrio transfer) - трансфер на замрзнат зачеток.

FOLIKUL - темелна функционална единица на јајниците. Содржи јајни клетки, кои произведуваат хормони и фоликуларна течност. Со овулацијата, зрелите фоликули се распрснуваат и ја испуштаат јајце клетката.

FOLIKULOGENEZA - созревање на фоликулите

FSH - фоликулостимулирачки хормон (хормон на хипофизата). Го стимулира растот на фоликулите и созревањето на јајце клетките. Го поттикнува лачењето на хормони. Исти функции има и на тестисите.

FERTILIZACIJA - оплодување

GAMETI - Полови клетки, јајце клетки (кај жените) и сперматозоиди (кај мажите)

GN-RH GONADOTROPNI REALISING HORMONE - хормон кој го поттикнува ослободувањето на гонадотропин.

HISTEROMETRIJA- мерење на должината на материцата и цервиксот.

HSG histerosalpinografija - Радиолошко испитување со кое се оценува изгледот и анатомијата на материцата и проодноста на каналите. За таа цел се користи посебен контраст кој се внесува со катетер низ грлото на материцата.

HISTEROSKOPIJA - ендоскопска операција со која се утврдуваат нормални или патолошки промени во внатрешноста на материцата (миом, полип и др.) Тие промени се отстрануваат со помош на хистероскопија.

HCG human korionski gonadotropin - Хормон кој го лачи зачетокот и пред имплантацијата. Тој хормон расте пропорционално и највисоки вредности има во 9-та недела од бременоста и ја одржува функцијата на жолтото тело (продукцијата на прогестерон)

HIPERSTIMULACIJA - компликација на индуцирана овулација.

IMPLANTACIJA - зацврстување на зачетокот во ѕидот на материцата. Зачетокот се вгнездува седмиот ден по фертилизацијата и тоа претставува почеток на бременоста.

IS insuflacija - Дијагностичка постапка за утврдување на проодноста на јајцеводите.

ITI intratubarna inseminacija - Вбризгување на семенскиот материјал на сопругот во јајцеводите.

ICSI - интрацитоплазматичко инјектирање на сперматозоид во јајце клетка

IVF - ин витро фертилизација. Вонтелесно оплодување.

INFERTILITET - неплодност

KAPACITACIJA NA SPERMATOZOIDI - физиолошка промена на сперматозоидите со која се остварува нивната способност за оплодување.

KRIOPREZERVACIJA - смрзнување, одржување и одмрзнување на зачеток.

LAPAROSKOPIJA- ендоскопска операција со која се утврдуваат промените на органите во стомачната празнина.

LH luteiniziracki hormon (hormon na hipofizata). кај жените е неопходен за овулација. Кај мажите има функција на стимулација на тестисите и создавање на тестостерон.

MESA - микрохируршка изолација на сперматозоиди

MAR, MPP - методи на асистирана репродукција, методи на потпомогната прокреација.

MORULA - зачеток кој има повеќе од 16 клетки

MOLLA HYDATIDOSA - болест на ткивото на постелката

MIKRODROP METODA - ставање на јајце клетки во мала капалка во која има поголема концентрација на сперматозоиди.

NORMOZOOSPERMIJA - нормална семенска течност во која се сите параметри задоволени (волумен, број, подвижност, морфологија)

NECROSPERMIJA - мртви сперматозоиди во ејакулатот

OLIGOZOOSPERMIJA - намален вкупен број на сперматозоиди

OOCIT - јајце клетка

OVARIUM - јајник. Женски репродуктивен орган. Во него се создаваат хормоните естроген, андроген и прогестерон. Со растот на фоликулите созреваат јајце клетките.

OVULACIJA - исфрлање на зрела јајце клетка од фоликулот, најчесто на 13-15 ден од менструалниот циклус.

OPSTIPACIJA- затвор, нередовна столица.

АNTISPERMALNI ANTITELA - антитела кои ги уништуваат и онеспособуваат сперматозоидите. Можат да бидат присутни во крвта на мажите, кај жените во ѕидот и вратот на материцата.

PCO - синдром на полицистични јајници. Чест синдром кај жените со хормонски пореметувања. Се карактеризира со нередовни циклуси, ановулација, зголемена влакнетост и неплодност.

PZD - парцијално отворање на обвивката на јајце клетката.

PAPA TEST - тест по Папаниколау - клеточна анализа на брис од вратот на материцата (цервиксот)

PRL prolactin - хормон на хипофизата кој влијае на создавањето на млеко.

PROGESTERON - хормон на јајниците кој излачува жолто тело во текот на втората половина на менструалниот циклус. Го лачи и постелката.

PENETRACISKI TEST- тест за испитување на способноста за оплодување.

PESA - аспирација на сперматозоиди од тестисите.

PROSTATITIS - воспаление на простатата

SEPTUM - преграда

SUBFERTILNOST - намалена способност за оплодување, кај мажите и жените

SUROGAT MAJKA - жена која носи зачеток кој биолошки не е нејзин.

TESTIS - Машки репродуктивен орган. Во него се создаваат сперматозоиди и тестостерон.

TESTOSTERON - машки полов хормон. Постои и кај жените, го произведуваат јајниците, надбубрежната жлезда, но и некои други ткива.

TESA - микрохируршка изолација на сперматозоиди од тестисите.

THERATOZOOSPERMIJA - намален процент на морфолошки исправни сперматозоиди

TIMING NA OVULACIJA - предвидување кога ќе настапи овулацијата

TROFOBLAST - надворешна обвивка на зачетокот, од која се оформува постелката.

TUBOSKOPIJA - ендоскопска операција за утврдување на внатрешноста на јајниците

UTERUS - материца

VARIKOKELA - проширени вени на тестисите што ја отежнуваат сперматогенезата.

ZIGOT - оплодена јајце клетка.

Рингераја Ви посакува што поскоро да зачнете!