/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Зависно од инсерцијата на френулумот на јазикот, односно на дното на усната шуплина, анкилоглосијата ја делиме на блага, умерена и јако изразена.

Зачестеност

Според податоците, зачестеноста на анкилоглосијата е меѓу 4,4% и 4,8%, со распон од 0,2%-10%. Соодносот меѓу машки и женски деца е 2,6:1. Децата со задебелен frenulum имаат потешкотии со доењето во 75% од случаите. Некои лекари сметаат дека анкилоглосијата не води до значајни проблеми, но повеќето од нив не се доволно едуцирани за проблематиката на доењето и немаат доволно искуство за да можат да проценат за влијанието на анкилоглосијата на доењето.

Дијагноза

Потребно е да се направи темелна анализа, пред да се постави дијагноза. Треба да се прегледа устата на детето и да се набљудува подојот. Исто така треба да се прегледаат дојките на мајката и посебно внимание да се посвети на големината и обликот на брадавиците, за да се забележи нивни евентуално оштетување.

При преглед на устата на детето, краткиот frenulum понекогаш тешко може да се забележи додека детето не заплаче. Кога детето ќе го издаде јазикот напред, тој ќе изгледа како срце. Страничните делови на јазикот се подвижни и прават необични движења. Детето нема да може да го исплази јазикот преку долната усна, нити преку долната вилица.

Во текот на доењето мајката чувствува болка и тогаш кога се применува потполно правилна техника на доење. Бидејќи бебето постојано го губи контактот со дојката станува нервозно и фрустрирано и одбива да цица.

Последици:

За мајката:

- Оштетени брадавици

- Болка

- Инхибиран рефлекс на отпуштање на млеко

- маститис, абсцес

- Намалено производство на млеко

- Замор

- Ран прекин на доењето

За бебето:

- Зачестени прекини во тек на доењето

- Фрустрираност на бебето

- Изгладнување

- Отежнат рефлекс на голтање

Кај постаро дете

- Отежнат говор

- Лоша орална хигиена

- Зачестено лигавење

- Намалена самодоверба

- Неможност на лижење сладолед и бакнување

- Деформитети на долните заби

Лечење

Ако кај детето постојат значајни проблеми со доењето, се препорачува френулотомија.

Тоа е едноставерн и сигурен зафат, кој обучениот лекар може да го изведе во својата ординација. До четвртиот месец не е потребен анестетик. По зафатот детето треба веднаш да се стави на дојка за да се смири. Во 70% од случаите, веднаш се забележува подобрување во доењето. Во 20% од случаите до значајно подобрување доаѓа во тек од 7 дена, а кај 10% нема подобрување. По правило, колку е детето помало, толку е ефикасноста поголема.

Dr. Irena Zakarija-Grkovic, dr.med. FRACGP, IBCLC

Забелешка:

Сите материјали, публикации, коментари, теми и категории, како и целата содржина на Рингераја.мк, се од информативен карактер и истите НЕ можат да заменат консултација со лекар за дијагностика и лечење. За се што е поврзано со Вашето здравје, консултирајте се со својот матичен лекар.