/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Ексклузивното доење е најдобра исхрана за детето од раѓање до шестиот месец. После тоа, потребно е со мајчиното млеко постепено  да се додава и друга храна за да може детето да расте и правилно да се развива.

Дохранувањето најпрво започнува со ориз, потоа се воведува зеленчук или овошје, сокчиња и месо.

Сепак, постојат одредени правила, за кои треба да се води сметка, кога во исхраната на бебето ќе се воведат не млечни производи:

1. Новите продукти треба да се даваат во утринските часови, за да може до вечерта да се забележи евентуалната алергиска реакција (осип по кожата, повраќање, пролив) и да се исконтактира педијатарот.

2. Воведувајте ги новите продукти постепено – една по една, за бебето да се навикне на новиот вкус.

3. Направете растојание од 4-5 дена помеѓу воведувањето на нова врста храна, да да можат да се воочат евентуални алергиски реакции.

4. Во почетокот понудете му на бебето мали количини храна (1-2 лажички) и постепено зголемувајте ја количината (15-30 лажички). Навикнувањето на нова храна нека трае три до пет дена.

5. Храната мора да биде свежо подготвена, во почетокот пасирана и згмечена, а потоа ситно сецкана.

6. Во подготвената храна за бебето не ставајте сол и шеќер и немојте да ја разблажувате со вода, бидејќи детето треба да го почувствува природниот вкус на храната.

7. Кашичките се даваат со лажичка, а течната храна од чаша.

8. Ако бебето не пие доволно млеко, додадете го во кашичките од житарици, овошје и зеленчук. Количината на млеко која бебето ја пие во првата година, не треба да биде помала од 500 мл. дневно.

9. Вкупната дневна количина на храна распоредете ја во повеќе мали оброци и во пократки временски интервали.

10. Бебето не треба да го храните кога ја врти главата и одбива храна. Бебето трерба да ужива во оброкот.

11. Најубаво е ако детето јаде на маса, заедно со останатите членови од семејството.