Храната која ја јаде детето треба да содржи доволно протеини, витамини и минерали. Не е проблем што детето не сака да јаде одредена храна, ако истите нутритивни вредности ги добива од друга храна. Детето кое јаде вообичаена семејна храна и секој ден пие млеко и витамини, сигурно ќе добие се што му треба.

Ако имате проблеми со исхраната, со помош на нашите совети може да ги намалите. Погрижете се детето да се чувствува опуштено при хранењето. Оброците нека бидат свежо подготвени и секој ден на маса во исто време. Погрижете се детето никогаш да не гладува и поттикнете го самостојно да се храни и убаво однесува на маса. Заштитете ги површините околу него и врзете му лигавче. Ако е можно дајте му шанса да се храни на сопствен начин. Иако неговите комбинации на храна можеби ќе ви бидат чудни и неадекватни, дајте му слобода. Никогаш не го присилувајте да јаде повеќе отколку што сака. Храната никогаш не смее да биде казна, награда, мито или средство за заплашување.

Развојни фази
Здравје и нега
Спиење
Исхрана
Во градинката
Си играме
Добро е да се знае