Поттикнување на самостојноста
Детето сака да биде самостојно во се што прави. Без оглед на тоа што се двоумиме дали успешно ќе ги реши задачите, треба да ја поттикнуваме неговата самостојност, бидејќи така му ја јакнеме самодовербата. Родителите треба да бидат многу трпеливи во ваквите ситуации. На детето можеме да му допуштиме да се мие само, на пример. Во суштина, никогаш не е прерано детето да се обиде такво нешто, се разбира со Ваша помош. Пред спиење само нека го измие лицето, а за време на капење само нека се насапуни. Ваша задача е да внимавате да не се слизне на мократа подлога, или да не се изгори во многу жешка вода. Облеката која ќе ја измокри потребно е да се извади, за детето да не настине.

Не заборавајте да одвоите доволно време, затоа што самостојното извршување на некои активности може да одземе многу време. Ако дојде до проблеми, помогнете му на детето. Неуспехот во самостојното извршување на активностите може до толку да го разочара детето што ќе почне неуморно да плаче.

Привикнување на нокшир

Точен одговор на прашањето – Кога е време за нокшир – нема. Важно е децата да се одвикнат од пелените со помош од родителите, со многу љубов, без притисоци и казни. Повеќето деца се подготвени за одвикнување меѓу 24. и 36. месеци. Физички се спремни на одвикнување кога ќе знаат сами да покренат излачување. Исто така треба сами да знаат да ги турнат гаќичките и сами да седнат на нокшир, или wc-школка.

Развојни фази
Здравје и нега
Спиење
Исхрана
Во градинката
Си играме
Добро е да се знае