Летни горештини

/11 /11

Лекарите знаат колку брзо организмот може да попушти под топлотен удар и дехидратација, па затоа препорачуваат заштитни мерки што строго треба да се почитуваат.

Еве 8 работи што никогаш не би ги правеле кога времето надвор е пекол и што треба и вие да ги избегнувате:

1. Не излегувајте надвор во најтоплиот дел од денот (11–17 ч.)

Дури и кратка прошетка може да го изложи телото на опасен удар од топлина. Топлотниот удар не се случува само на плажа, туку и при „невина“ прошетка до маркет.

2. Не ја потценувајте дехидратацијата

Не чекајте да почувствувате жед. Телото веќе е дехидрирано кога ќе се јави жедта. Затоа редовно пијте вода, избегнувајте алкохол и засладени пијалаци и советувајте ги блиските да го прават истото.

3. Не пијте кафе на празен стомак во топли денови

Кофеинот делува диуретички и го зголемува ризикот од дехидратација. Комбинацијата на жештина и кафе без внес на храна или вода е рецепт за главоболка, мачнина и пад на притисок.

4. Не вежбајте на отворено кога е врело

Тело кое веќе се бори да се олади не треба дополнително да се напрега. Преместете ги своите физички активности рано наутро или навечер и во климатизирани простории.

5. Никогаш не излегувајте без заштита од сонце

Кремите  со заштитен фактор не се козметика, тие се здравствена потреба. Изгорениците од сонце не се само непријатни, туку и го зголемуваат ризикот од рак на кожа.

6. Не носете тесна и темна облека

Памук, лен и светли бои треба да бидат вашиот избор. Темната и синтетичка облека ја апсорбира топлината и ја зголемува телесната температура.

7. Не оставајте никогаш никого во паркиран автомобил

Дури и неколку минути се доволни температурата во затворен автомобил да достигне над 50°C. Тоа е смртоносно, за деца, миленици, па дури и за возрасни.

8. Не ги игнорирајте предупредувачките симптоми на топлотен удар

Главоболка, забрзано чукање на срцето, вртоглавица, сува кожа без потење, мачнина или конфузија, сето тоа се сериозни аларми. Во овие случаи не се чека, се оди веднаш на лекар.

Кога веднаш да побарате медицинска помош?

Ако вие или некој во вашата близина:

• се онесвести,
• има забрзано дишење или срцева работа,
• не може да се олади или престане да се поти,
• чувствува мачнина, халуцинации или конфузија

Во овие случаи повикајте итна помош или однесете го лицето во сенка и почнете со разладување.

Следете ги овие препораки што и лекарите самите ги практикуваат и заштитете се од скриените опасности на жештините. Понекогаш, превенцијата е најдобриот лек.