Игрите и дружењето со детето нека бидат наменети за забава, а не обид за забрзување на развојот на доенчето. Знајте дека секое дете е индивидуа и дека децата никогаш не се развиваат потполно еднакво. Кај некое е побрз моторичкиот развој, а кај други развој на говорот и други социјални вештини.

Мамичке и тато, да заиграме!

Сега, кога доенчето е моторички поспособно, одговара со движења на музика – игра. Помогнете му да го почувствува ритамот, заиграјте и Вие со него за Вашата омилена музика или ставете ЦД со омилените детски песнички, кои имаат поизразен ритам. Во тој период доенчето само произведува звуци, со играчките и другите предмети. Предметите ги треси, ги префрла од една во друга рака, удира предмет од предмет, или ги фрла на подот. На тој начин ги запознава предметите и учи за причинско – последичните врски (за тоа е потребно долготрајно повторување).

Курсеви по пливање на доенчиња

Во многу градови се одржуваат организирани курсеви по пливање за доенчиња (според Фројдовиот метод на учење). Во суштина, тоа не е учење за правилно пливање, туку запознавање со водата и движењата во неа. Доенчето низ игра се запознава со водата и ужива во неа. Овие вежби не се препорачливи пред 4. месеци старост. Потребно е да причекате детето да воспостави имунитет и да ги прими првите дози на задолжителните вакцини. Препорачливо е да се започне со вежбање во вода пред детето да прооди, затоа што дотогаш не прави покрети на одење во водата, туку само се оттурнува со ножињата. Поентата на курсевите за пливање е баш во оттурнувањето на ножињата и самостојното одржување на вода. Притоа помага црвениот Фројдов колут, кој на почетокот ги ограничува движењата со раце и се фокусира на движењата со нозе. Бидете внимателни ако кај Вашето доенче забележувате претерано истегнување на грбот и главата. Во тој случај избегнувајте пливање, затоа што пливањето го поттикнува истегнувањето. Со тоа одредена група на мускули премногу се развива и детето стекнува погрешни навики за движење.
 

Моето доенче
Развојни фази
Воведување на дохрана
Здравје и нега
Спиење
Мама и тато
Си играме