/11 /11

Малата Александра Бошњаковска која синоќа околу 22:30 часот кај населено место Маврови Анови е пронајдена од страна на полицијата е предадена на мајката, која е нејзин законски старател.

Александра веднаш ги познала својата мајка, сестра, тетка, баба и дедо.

На телото на Александра се забележани околу 300 убоди од болви, забележано е црвенило во нејзиното уво, херпес на устата и била во лоша хигиенска состојба. Девојчето е вратено кај мајката без резервни алишта, а и тие што ги носела биле многу валкани.

Мајката денес ќе ја носи Александра на лекарски преглед, со цел да ја провери нејзината здравствена состојба и да се издаде лекарско уверение.

Според исказите на малото девојче, со бабата живееле на некоја штала со кози и не можеле да ја одржуваат потребната хигиена.