/11 /11

Jenni Lake родила синче само месец дена пред својот 18 роденден, но не и било судено да стане уште една мајка тинејџерка, пишува Daily mail. Кога ја воделе во болницата за да роди, се приближила до медицинската сестра и тивко и рекла:

- Јас сум готова, направив што требаше. Моето дете ќе дојде на свет живо и здраво.

Здравото момче Chad Michael, било награда за неверојатната борба која Jenni ја водела со месеци. Но момчето е резултат и на страшната одлука во која младата мајка морала да избере меѓу својот и животот на своето дете.

Првите мигренозни болки ги добила во 16-та година, а набрзо и е дијагностициран тумор на мозокот. Единствен излез била хемотерапија, која оваа весела и жива девојка тешко ја поднесувала. По тоа следувало уште едно изненадување: Jenni забременила.

Со Nathan Wittman била во врска непосредно пред да дознае дека има тумор, а љубовта се покажала појака од болеста. Nathan останал со неа и кога му ја соопштила страшната вест, до моментот кога конечно ги затворила очите.

Нејзиното семејство се сеќава дека во разговорот со лекарите била цврста и ладна, но многу се вознемирила кога и соопштиле дека по хемотерапијата можеби никогаш нема да роди.

Кога дошол моментот да избере меѓу хемотерапијата и бременоста, Jenni не размислувала долго. За време на бременоста била физички исцрпена, но нејзината одлука не била залудна - момчето се родило потполно здраво.

Нејзините последни зборови, само неколку часа по породувањето биле "Како да го гледам", а се однесувале на нејзиниот син.