/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Веќе седум години повеќе генерации деца и родители растат со детската емисија 5+, со познатите ликови Петко, Мина, Мири, Цветко и Виви. Со 5+ драмското студио ја продолжуваме мисијата со која на децата им овозможуваме да растат и учат за да можат подобро да се разберат себеси и светот околу нив.

5+ Драмското студио е место во кое децата преку часовите по глума ќе ги развијат своите говорни вештини, имагинацијата, ќе стекнат самодоверба и нови пријателства. Покрај тоа, акцент ќе се стави и на развивање на љубовта на децата кон уметноста и литературата преку обработка на драмски текстови од познати македонски и светски автори. Децата од драмското студио ќе имаат можност да  учествуваат во детската емисија 5+, а на крајот од годината ќе се претстават со завршна претстава.

Групите ќе бидат составени од најмногу 15 деца предводени од професионални едукатори секој час, со што секое дете ќе добие соодветен третман и ќе се следи неговиот развој и напредок.

Во 5+ Драмското студио со децата ќе работи Маја Љутков – дипломиран актер која е дел од детската емисија 5+, актерот Филип Кипровски добро познат меѓу децата од серијата “Умни Глави“ како и Александра Стојановска –актер со големо интернационално искуство во областа на културниот менаџмент, неформалното образование, детските права и едукација.

Часовите ќе се одржуваат попладне, два пати неделно во времетраење од час и половина,  во текот на целата учебна година во просториите на ЕКЗЦ СПИРИТ (спроти зградата „Нова Македонија“).

Пријавувањето трае до 20 Октомври 2013  на е-пошта: dramsko@5plus.mk или на 077-518-318.

Единствен предуслов за пријавување е детето да е на возраст помеѓу 6 и 12 години. Месечната членарина ќе биде 1500 денари.

Со почит,

Тимот на Пет Плус