Фото:Canva/Ноктите кај бебињата растат побрзо отколку што мислите и неправилното сечење може да предизвика гребаници, инфекции и непотребен стрес.

/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Малите прстиња, меки нокти и постојано мрдање можат да создадат впечаток дека оваа рутина е „невозможна мисија“. Но со неколку едноставни трикови, сечењето на ноктите станува безбедно, лесно и брзо.

1. Кога е најдобро време да им ги сечете ноктите?

• Кога бебето спие е најбезбедно бидејќи рачињата се опуштени и не мрдаат.
• По бањање ноктите се помеки, па полесно се скратуваат.
• Додека цицаат или ги храните со шише бебето е мирно и фокусирано.

2. Кои алатки се најбезбедни?

Користете специјални ножички за бебиња со заоблен врв или бебешка турпија ако се плашите од сечење. Но никогаш не ги кинете ноктите со рака бидејќи тоа може да доведе до ситни ранички

3. Како правилно да ги скратите ноктите на рацете?

Држете ја раката на бебето стабилно, но нежно. Секогаш сечете право, по природната линија на ноктот. Отстранете ги само острите делови за да спречите гребење. Ако ви е страв, можете само да ги турпирате првите неколку недели.

4. Разлика помеѓу нокти на раце и нозе

На рацете ноктите се сечат се почесто бидејќи тие и побрзо ги растат.

На нозете потребна е помалку честа нега. Но сечете ги право, без заоблување за да избегнете врастување.

5. Како да избегнете гребење додека ноктите растат?

Користете тенки памучни ракавчиња на облека со долг ракав. Кратко чистење со турпија меѓу сечењата често е доволно. Проверувајте ги ноктите барем еднаш неделно.

6. Што ако случајно го закачите кожичето?

Тоа им се случува на сите родители, дури и на најискусните.

Пред се смирете го бебето. Притиснете нежно со чиста газа неколку секунди. Ако има мало црвенило, измијте со млака вода и оставете да се исуши природно.

Ако некогаш забележите знаци на иритација или воспаление, најбезбедно е да се консултирате со матичниот педијатар.

Сечењето нокти кај бебињата бара трпение, но со правилен пристап станува сосема лесна рутина. Најважно е да создадете мирна атмосфера, да користите соодветни алатки и да се движите полека и сигурно. Со време, и вие и вашето бебе ќе се навикнете и ќе откриете дека задачата која некогаш изгледала страшно станала дел од вашето родителско секојдневие.