Фото:Canva/Пирамидата на здрава исхрана - тајната формула за рамнотежа и енергија.

/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Еден од наједноставните начини за тоа е пирамидата на здрава исхрана.

Таа не е диета, туку водич за секојдневен баланс помеѓу различни групи на намирници кои му се потребни на телото за здравје, сила и долготрајна енергија.

Основата на пирамидата - сложени јаглехидрати

На дното на пирамидата се наоѓа житарките и нивните производи, кои треба да бидат основа на исхраната.
Изберете интегрални верзии: овес, интегрален ориз, хељда, киноа, ’рж, јачмен и целозрнест леб.
Тие се главен извор на енергија, влакна и витамини од Б-групата, кои го поттикнуваат варењето и одржуваат стабилно ниво на шеќер во крвта.

Второто ниво - овошје и зеленчук

Во секој оброк треба да биде вклучен разновиден зеленчук и овошје, бидејќи тие се богати со витамини, минерали, антиоксиданси и растителни влакна.
Препораката е половина од чинијата да биде зеленчук, а најмалку две порции овошје дневно.

Колку повеќе бои во чинијата толку подобро.

Средното ниво - протеини и млечни производи

Продукти кои овде припаѓаат се: месо, риба, јајца, мешунки, млеко и млечни производи.
Овие намирници се клучни за раст, обновување на клетките и одржување на мускулната маса.
Препорачливо е: да се избира помалку масно месо како пилешко, мисиркино, риба, да се јадат мешунки како грав, леќа, наут барем 2-3 пати неделно и млечни производи со умерена масленост.

Повисоко ниво - здрави масти

Не се сите масти непријатели на нашето здравје. Во ова ниво спаѓаат здравите масти кои потекнуваат од: маслиново и ладно цедено масло, јаткасти плодови (ореви, бадеми, лешници), семки (чиа, лен, сончоглед) и риби богати со омега-3 (лосос, скуша, сардини).

Овие масти го штитат срцето, мозокот и кожата, но се јадат во мали количини.

Врвот на пирамидата - шеќери и заситени масти

Највисокото ниво е резервирано за намирници кои треба да се јадат ретко и умерено, а тоа се слатки, газирани пијалаци, брза храна и преработени производи.
Тие не се забранети, но треба да бидат исклучок, а не правило во исхраната.

Не заборавајте на водата

Иако не е прикажана во пирамидата, водата е темел на секој здрав начин на исхрана.
Пијте најмалку 6-8 чаши вода дневно, а ограничете ги засладените пијалаци и алкохолот.

Рамнотежа, не рестрикција

Пирамидата на здрава исхрана не е листа на забрани, туку потсетник за рамнотежа.
Не се работи за тоа што „не смеете“ да јадете, туку како да го организирате вашиот ден така што телото ќе добие сè што му е потребно.

Здравиот начин на исхрана започнува со едноставни избори и секој чекор нагоре по пирамидата ве носи поблиску до подобро здравје, повеќе енергија и долгорочна благосостојба.