/11 /11

    Кога практикувате брзо одење за да ја зачувате или подобрите својата фигура, темпото и дишењето се особено важни елементи. Совладувањето на добра техника за одење трае некое време. Еве некои совети со кои да започнете:

    Чувајте го погледот насочен напред, не нагоре или надолу. Не гледајте надолу при одење, гледајте напред (особено при одење по угорници).

 

    Брадата треба да ви биде свртена надолу, за да се задржи неутралната позиција на вратот, која ќе спречи болка во вратот од неправилна позиција на главата.

 

    Чувајте ги рамениците надолу и спокојно. Свиткајте ги рацете во лактите на 90 степени агол и лулајте ги кон центарот на телото. Внимавајте да не ја преминете централната линија на телото или да ги наведнуваат рацете на повеќе од 90 степени. Точно позиционирање на рацете ќе ви даде подобра аеробна вежба, ќе изгори повеќе калории и ќе се ангажираат повеќе мускули во вашето тело.

 

    Грбот треба да биде исправен додека одите. Не треба да се поместувате назад или напред. Но при искачување по угорници малку може да се навалите напред.

 

    Вашите гради треба да се благо подигнати. Дишете длабоко и во ритам со вашите чекори.

 

    Чувајте го стомакот малку собран кон рбетот. Ова ќе ви го задржи стомачните мускули активни, што е добар тренинг за стомакот и помага да го заштитите долниот дел на грбот од повреда.

 

    Петиците треба да ја погодат земјата први. Направете помали, а не поголеми чекори. Почестите мали чекори се добар тренинг и нема да го оптоварат многу зглобовите.

   Концентрирајте се на одењето: Замислете дека одите по права линија и мислете за сите мали техники кои сте научиле. Не станувајте жртва на желбата да правите големи чекори.

 

    Затоплете се и загрејте: истегнувањето ја подобрува циркулацијата и ја намалува акумулацијата на млечна киселина, која предизвикува болки во мускулите. Таа, исто така помага за ублажување на евентуална вкочанетост на мускулите и штити од идни мускулни повреди. Како резултат на тоа може да одиме повеќе и подолго без повреди. Пред и по одење, одвојте доволно време да исполните неколку едноставни движења за истегнување на тетивите и нозете.

 

    Дишете природно: Додека одите, имајте длабоки, ритмички вдишувања, за да земате максимално количество кислород. Одете доволно брзо, па дишењето ви да се зголемува, но да не останете без здив.

 

Следејќи ги внимателно опишаните техники, вие може значително да ги подобрите перформансите. Тие може да имаат различни бенефиции за вас. Овие придобивки се:

* Зголемена ефикасност на вежбите

* Подобро искористување на енергијата

* Намалување на ризикот од повреда

* Зголемен комфор

* Согорување на повеќе калории

* Подобрување на состојбата на мускулите

* Обликување на телото

* Подобрување на активноста на срцето: кардиоваскуларниот систем природно слабее со годините. Одењето гозајакнува срцето. Една студија покажа дека луѓето кои одат најмалку 30 минути на ден, три пати неделно, всушност го забавуваат стареењето на срцето.

* Подобрување на расположението: Редовните прошетки се бег од психичката напнатост. Тие ќе ви дадат време за редење на вашите мисли и ќе ви помогнат да се отстрани негативизмот. Ова создава оптимизам, кој ве штити од депресија и анксиозност. Од своја страна, позитивниот став може да го подобри имунолошкиот систем.