Жена на вага

/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Но вистината е дека таа бројка не ја кажува целата приказна за нашето здравје и добросостојба. Затоа што телото е многу повеќе од тежината и килограмите, а здравјето не може да се измери само со килограми.

Тежината е само бројка, но што се крие зад неа?

Вагата не прави разлика меѓу мускули, масти, вода или коски. Мускулите тежат повеќе од мастите, па ако почнеш да вежбаш и да ја зајакнуваш мускулната маса, можеби ќе тежиш исто или дури повеќе, но телото ќе ти изгледа поздраво, потонирано и пообликувано.

Здравје наспроти тежина

Здравјето се мери преку енергијата, квалитетот на сонот, нивото на стрес, крвниот притисок, холестеролот и многу други параметри кои вагата не може да ги прикаже. Можете да имаш идеална тежина, но да се чувствуваш изморено, истоштено и нездраво. А можете да имате повисока тежина и да бидете полни со енергија, среќа и здравје.

Психолошки аспект

Опседнувањето со бројката на вагата може да создаде стрес, анксиозност и незадоволство од себе. Незадоволството доведува до напнатост и до создавање нездрави навики како прескокнување оброци или прекумерно вежбање. Наместо тоа, фокусирајте се на здрави навики и слушајте го своето тело.

Како да се измери успехот во однос на килограмите ако не со вагата?

• Како се чувствувате кога се будите?
• Колку енергија имате за активности?
• Каков ви е притисокот и крвната слика?
• Како ви стојат алиштата?
• Какви ви се резултатите од тренингот и колку ги подобрувате своите перформанси?

Овие прашања ви помагаат да ја следите вистинската слика на вашето здравје.

Вагата е само една од алатките да ја следите својата тежина и да процените до каде сте во остварување на целта за помалку килограми. Но не ја земајте како крајна мерка за тоа како се чувствувате или колку сте здрави. Здравјето е комплексно, а вистинската грижа за телото подразбира внимание на повеќе аспекти, а не само на бројките.

Така, следниот пат кога ќе се качите на вагата, сетете се дека бројката не е пресудна. Вие сте многу повеќе од тоа, а тоа е вашата енергија, здравје и љубов кон самите себе.