/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

5+ Драмското студио е место во кое децата преку часовите по глума ќе ги развијат своите говорни вештини, имагинацијата, ќе стекнат самодовреба и нови пријателства. Покрај тоа, акцент ќе се стави и на развивање на љубовта на децата кон уметноста и литературата преку обработка на драмски текстови од познати македонски и светски автори.

Изминатата година, децата членови на 5+ драмското студио беа ангажирани на повеќе рекламни спотови и неколку хуманитарни акции, беа дел од музичкиот спот за песната „Автобус“ со Петко, Цветко и групата „Пеперминт“,  редовоно имаа епизодни улоги во детската емисија 5+,  а на големата сцена во Драмски театар во Скопје се претставија пред полна сала со претстава „Алиса во земјата на чудата“.

Веќе осум години повеќе генерации деца и родители растат со детската емисија 5+, со познатите ликови Петко, Мина, Мири, Цветко и Виви. Со 5+ драмското студио ја продолжуваме мисијата со која на децата им овозможуваме да растат и учат за да можат подобро да се разберат себе си и светот околу нив.

Во 5+ Драмското студио со децата ќе работи Маја Љутков – дипломиран актер која е дел од детската емисија 5+, актерот Филип Кипровски добро познат меѓу децата од серијата “Умни Глави“ како и Александра Стојановска –актер со големо интернационално искуство во областа на културниот менаџмент, неформалното образование, детските права и едукација и Драгана Милошевски Попова дипломиран актер и режисер со долгогодишно искуство во театарската уметност, работа со деца и работа на голем број детски претстави.

Часовите ќе се одржуваат попладне, два пати неделно во времетраење од час и половина,  во текот на целата учебна година во Детскиот Културен Центар „Карпош“ (поранешен Пионерски дом Карпош).

Пријавувањето е на е-пошта: dramsko@5plus.mk или на 077-518-318.

Месечната членарина ќе биде 1500 денари.

Со почит,

Тимот на Пет Плус