Фото:Unsplash-Febrian Zakaria/Кардио тренинг

/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Време е да ги разделиме митовите од вистината.

Мит: Само стомачни вежби ги топат мастите на стомак

Вистината е дека правењето на стомачните вежби (crunches, leg raises) ги зајакнуваат мускулите, но не ги топат директно мастите. За намалување на маснотиите е потребна комбинација од кардио активности и правилна исхрана.

Мит: Можеш да „топиш масти“ само на еден дел од телото

Вистината е дека локализирано слабеење не постои. Кога согорувате калории, масното ткиво се намалува низ целото тело и на стомакот, и на бутовите, и на рацете. 

Вежби кои навистина помагаат

1. Кардио тренинг. Трчање, брзо одење, возење велосипед или пливање се активности кои го забрзуваат пулсот и согоруваат калории, што е клучно за топење на маснотиите.
2. HIIT (High Intensity Interval Training). Кратки, интензивни интервали на вежбање од 20-30 секунди со пауза како што се: скокање со јаже, бурписи, спринтови, ја активираат целата мускулна маса и продолжуваат да согоруваат калории и по тренингот.
3. Функционални вежби. Планк, mountain climbers, склекови се вежби кои не само што ги активираат стомачните мускули, туку ги вклучуваат и другите делови од телото, што ја зголемува потрошувачката на енергија.
4. Вежби за јадро (core). Планк со подигнување на нога, страничен планк или stability ball вежби, го зацврстуваат средишниот дел на телото, што пак е важно за држењето и изгледот.

Други клучни фактори

• Без контролирана исхрана и дефицит на калории, ниту една вежба нема да даде резултат.
• Недостатокот на сон и хроничен стрес ја зголемуваат желбата за калорична храна и го забавуваат метаболизмот.
• Бидете доследни. Резултатите доаѓаат со време и редовност, а не преку ноќ.

Нема тајна вежба која сама ќе го стопи салото на стомакот. Вистинскиот рецепт е комбинација од кардио, функционални и јадро-вежби, здрава исхрана и дисциплина. Со овој пристап не само што ќе добиете порамнет стомак, туку и посилно, поздраво тело.