/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Долгото исчекување за нови лекови кои што го лекуваат Хепатитис Ц Вирусот (ХЦВ) може наскоро да заврши. Имено, во почетокот на истражувањето, комбинацијата од два орални лекови со директно дејство на вирусот, драстично го намалила нивото на вирусот во крвта кај пациентите по двонеделен третман.

Долго време, односно неколку десетици години, интерферонот и рибавиринот беа единствените опции за третман на хепатитис ц, но им беа достапни само на мал број пациенти поради нивната висока цена. Исто така, и многу од пациентите кои што ги користеа имаа несакани ефекти.

Денешниот стандарден третман за ХЦВ е комбинација од интерферон и рибавирин со кој што се излекуваат околу половина од пациентите заразени со генотип 1 ХЦВ. Вреди да се спомене дека овој тип на ХЦВ е најтежок за лекување а воедно е и најраспостранет помеѓу заразената популација.

Во студијата биле вклучени 88 пациенти од Нов Зеланд и Австралија кои што во тек на 13 дена биле третирани со различни дози на експерименталниот лек RG7128 и данопревир.

За време на тие две недели, нивоата на ХЦВ кај некои од пациентите паднале толку ниско, што веќе станале и недетектибилни. Биле пријавени само неколку нус појави, дури и при високи дози и ниту еден од пациентите не развил резистентност на лекот.

Истражувачите велат дека моментално започнува нова ера во лекувањето на Хепатитис Ц Вирусот.