/11 /11

Бебето, кое сега има три месеци, има исклучително светла боја на кожа, плави очи и светла коса и изгледа како и секое друго нормално бебе. Но кога ќе се најде во рацете на мама, јасно е зошто е толку посебен. Вакво нешто се случува еднаш во милион случаи.

- Бабицата погледна во него, па во мене, па повторно во него и не можеше да им верува на своите очи. На некои деца по неколку недели им потемнува кожата, но како што гледате тоа не е случај кај Џон. Докторите ми рекоа дека веројатно носам рецесивен ген. Моите родители се од Нигерија и сите во моето семејство од секогаш биле црни - тврди Кетрин.

Нејзиниот сопруг Ричард (34) исто така бил многу изненаден кога го видел синот, кој воедно е прво дете на овој брачен пар. Иако Ричард е бел никој не можел ни да сонува дека ова дете ќе биде толку бело.

Сепак, гордиот татко признава дека првенствено бил пресреќен што му е синот силен и здрав, бидејќи во текот на породувањето му се замотала папочната врвца околу вратот.

Воопшто не се грижиме околу неговата боја на кожата, важно е да е Џон среќно и здраво дете – кажува татко му.

Иако ова е невообичаен феномен, не е сосема непознат. Имено во 2012 година Бенџамин и Анџела Игеборо, двајцата црнци, добиле сосема бело девојче, со плава коса.