/11 /11

Ви препорачуваме неколку лековити масла кои можете сами да ги припремите во домашни услови и да ги ставите во домашната аптека.

Масло од орев

Пред се се користи за нега на косата. Доколку го триете коренот на косата со вакво масло, тој станува појак, се намалува првутот и косата добива потемен сјај. Не се препорачува за лекување на изгореници. Може да се користи кај влажни рани кои тешко зарастуваат. Треба да бидете внимателни бидејќи ова масло многу лесно ги губи својствата доколку не се чува на ладно и темно место.

Масло од невен

Прочуено е по своите силни регенеративни способности да ја лекува кожата. Регенеративните својства на невеновото масло се мит, но ова масло не се користи за сончање. Дури се смета дека може да делува штетно бидејќи својството на активните материи на невенот е да ја поттикнуваат делбата на клетките на поткожното ткиво и регенерацијата, т.е. создавањето на младите клетки на кожата кои лесно страдаат под влијанието на сончевите зраци. Невеното масло се користи при изгореници, за рани, егземи, оток и убоди од инсекти.

Масло од ајдучка трева

Се користи за лекување на раните, чиреви и воспаленија на кожата.

Масло од ночурка

Се користи пред се за нега на кожата, егземи, акни и за омекнување и чистење на кожата.

Чичково масло

Се користи за чиреви, рани кои тешко зараснуваат, акни, лишаи, изгореници и во третманите за коса.

Масло од рузмарин

Се користи за артритис, реума, крути лигаменти, крцкање на коските, за масажи при неуралгии и болки во мускулите.

Масло од мајчина душица

Се користи за синуси, бронхитис, воспаление на грлото и за масажа при реума.'

Постапката за припрема на овие масла во домашни услови е наведена во статијата Масло за сончање од лековити билки.

д-р Кристина И. Стојаноска-Алоска