Мајка и бебе

/11 /11

Тоа е време кога бебето учи, ве препознава, го чувствува светот околу себе и верувале или не, почнува да игра.

Иако новороденчињата сè уште не ги фаќаат играчките и не реагираат со смеење, играта во овој период значи интеракција, набљудување и поврзување. Еве како да го искористите тоа драгоцено време.

1. Гледајте се лице в лице

Бебињата уште од раѓање обожаваат да ги гледаат човечките лица, особено вашето. Држете го бебето блиску до вашето лице (околу 20–30 cm) и:

• Гледајте го во очи
• Полека менувајте изрази на лицето
• Правете тивки звуци или смешни гримаси

Ова ќе  изгради врска помеѓу вас и вашето бебе, а ќе го поттикне и визуелниот и емоционалниот развој.

2. Зборувајте, раскажувајте, имитирајте

Иако бебето не разбира зборови, вашиот глас му е најомилен звук. Затоа:

• Раскажувајте што правите ("Сега ќе смениме пелена...")
• Пејте тивко детски песнички
• Имитирајте го неговото гугање и на тој начин ќе почнете прва „разговорна“ интеракција!

Развојот на говорот започнува многу пред првите зборови со самото слушање и ритам.

3. Тактилна игра: допир, милување, масажа

Нежните допири се првите игри со телото. Тие му помагаат на бебето да го осознае сопственото тело и да се смири.

• Масирајте ги стапалата, рачињата и грбот со топли раце
• Лесно поминувајте со прстите низ дланките
• Обидете се со кожа на кожа контакт, бебето го препознава вашиот мирис и ритам

Овие моменти градат доверба, безбедност и емотивна поврзаност.

4. Музика и звуци од околината

Новороденчињата реагираат на музика, шумови и ритми:

• Свиркајте или пуштете мирна, нежна музика
• Користете погласни и потивки звуци за да го привлечете вниманието
• Шушкање со меки ткаенини, ѕвонче или музичка играчка може да биде фасцинантно

На овој начин преку игра се развива слухот, ритамот и вниманието на вашето бебе.

5. „Тummy time“ – време на стомак

Кратки сесии од неколку минути дневно, каде што бебето лежи на стомак под ваш надзор, се првата физичка активност:

• Ја зајакнува мускулатурата на вратот и грбот
• Помага во спречување на рамна глава
• Го охрабрува да ја истражува околината

Ставете го на меко ќебе, поставете играчка или ваше лице пред него како поттик.

6. Користење играчки? Може, но не се неопходни

Во првите недели, играчките не се потребни. Вие сте му најинтересната „играчка“ на вашето бебе. Но, ако сакате:

• Изберете црно-бели или контрастни предмети
• Меки, безбедни играчки што може да ги гледа и допира
• Мобилни играчки над креветчето со бавни движења и тивки звуци

Колку долго да се игра?

• Новороденчињата се будни само кратки периоди, 5 до 15 минути по оброк, понекогаш и помалку
• Следете ги знаците на замор: зјапање, мрштење, избегнување поглед
• Подобро кратко и слатко, отколку предолго и пренапорно

Игрувањето со новороденче не значи сложени активности. Тоа е ваше присуство, вниманието и љубовта која му ја давате. Секоја комуникација, секој допир, секој поглед е мала лекција, мала врска и голем чекор во развојот. Не ви треба ништо повеќе од вас самите за да бидете најдобриот „играч“ во животот на вашето бебе.