/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Република Македонија е држава која што има идеални услови за одгледување на разни сорти на јаболка. Јаболкото е овошје за кое многу се зборува и многу се знае. Англичаните велат дека едно јаболко на ден го држи докторот подалеку од вас. Ние би се согласиле со оваа изрека, бидејќи јаболкото е најкорисното овошје кое се одгледува на нашите простори.

Денеска одбравме да ви ги презентираме здравствените придобивки на јаболкото, кои верувајте се навистина големи. За формите и големините на јаболката не треба да говориме, веруваме дека сите ги знаете многу добро. Вреди да споменеме дека во светот се познати повеќе од 10 000 сорти. Најпознати сорти јаболка се црвен делишес, златен делишес, грени смит, јонатан и други.

Корисност

Јаболкото нема голема енергетска и калорична вредност. Јаболкото е едно  од најпогодните овошја за држење на различни диети. Нема многу калории, а има многу витамини, минерали и многу состојќи кои се благодет за организамот. 100 грама јаболко има околу 53 килокалории, а 85 % од целото јаболко е вода.

Најважни состојќи кои се наоѓаат во јаболката, а се корисни за организамот се:

• растителни влакна и растителни масти
• витамин А, Б, Ц
• железо и етерични масла
• калциум, калиум, натриум, магнезиум, каротин
• пектин, протеини, сулфур
• целулоза
• шеќер (фруктоза и глукоза)
• олиго елементи

Исхрана

Јаболкото се користи во различна исхрана. Од него се прават слатки, сокови, џемови, јаболков оцет и познатата јаболкова ракија.

Јаболкото лесно се вари во желудникот, се препорачува да се конзумира свежо, но при подготовка на компоти и други производи од јаболка, да се избегнува неговото долго варење, бидејќи што посвежо јаболкото ги задржува повеќе од своите активни елементи и е покорисно за здравјето. Јаболкото содржи многу антиоксиданти и е ефикасно против бактерии и вируси, велат експертите.

Јаболкото може да помогне при третирање на многу состојби во организамот, најпознати од нив се:

• авитаминоза
• ангина пекторис
• артеросклероза
• запек
• мамурлак
• остеопороза
• проблеми со уринарниот тракт
• тромбоза
• стабилизирање на цревната флора
• синузитис
• покачен холестерол
• дебелеење
• нервоза
• бронхитис
• инфективни заболувања и сл.

Јаболков оцет

Кога сме кај јаболката, не можеме а да не го споменеме уште еднаш јаболковиот оцет. Јаболковиот оцет е поволен при повеќе состојби во организамот, а потврдено дејство има при следните состојби:

• габични инфекции
• болки во грлото
• проширени вени
• чешања
• проблеми со варењето
• прекумерна телесна тежина
• имуниот систем
• работата на бубрезите
• проблеми при жолчното кесе

Ако сакаме да ги опишеме сите придобивки кои ги нуди јаболкото за здравјето, тогаш нешето пишување не би имало крај. Јаболкото е навистина делотворно и многу корисно овошје. Се смета дека сите кои редовно го користат јаболкото имаат долг живот здраво тело, а пред се здрави бели дробови. Затоа за крај ќе додадеме дека англиската поговорка која погоре ја спомнавме е целосно точна.  Старите луѓе велат: " Ден поминат без барем едно  изедено јаболко е изгубен ден".