/11 /11

Имела за силен имунитет

Во еден литар бело вино се додаваат 20 гр иситнета имела (Viscum album). Потоа шишето добро се затвора и се чува 5 дена на топло место. Се цеди и се пие 3 пати на ден по 50 мл секогаш.

Лен и овес при опстипација (запек)

Во еден литар ладна вода се додаваат четири супени лажици мешавина од ленено семе и овес (Avena Sativa), како и пет добро измиени суви сливи. Смесата се остава да врие. Откако ќе зоврие, се готви уште 1-2 мин. Потоа треба да се излади половина час. Се цеди и се пие една шолја наутро на гладно и во текот на денот, половина час пред јадење. Сливите задолжително се јадат.

Маточина за смирување на нервниот систем

Во 100 мл јака домашна ракија се додава 20 гр иситната маточина (Melissa officinalis). Шишето стои затворено 7 дена, со често протресување. Се филтрира и се пијат 20-30 капки, 3 пати на ден со малку вода.

Жалфија, коприва и бреза против косопад

Во еден литар врела вода се додават десет супени лажици мешавина од жалфија (Salvia officinalis), коприва (Urtica dioica) и лист од бреза (Betula alba). Добро се промешува, се покрива и се остава околу еден час. Се цеди, по миење на косата се врши испирање со чајот(после него нема плакнење). Најголем дел од резултатите се забележуваат после 2 месеци.

Жолт кантарион при киселини, гадење, колики, дијареа

Во 200–300 мл врела вода се додава 1 супена лажица од жолтиот кантарион (Hypericum perforatum). Треба да отстои 15-30 минути. Се цеди и се пие во текот на денот.

Листови на боровинка против шеќерна болест

Во 200 мл вода се додава една супена лажица иситнати суви листови од боровинка (Vaccinium myrtillus L.). Се вари 5 мин. Се трга на страна, садот добро се затвора и се остава да стои 15 мин. Се пијат 2-3 чаши на ден, наутро и навечер пред јадење.

Бел бор за болни од бронхитис

100 гр пупки од бел бор (Pinus sylvestris) се попаруваат со 500 мл врела вода. Садот добро се затвора и се остава да стои еден час. Се цеди и се меша со 1 кг мед. Од оваа смеса се зема 4-5 лажици дневно.

Љубичица против надуеност и гасови

Во 2,5 дл млеко се додаваат 10 гр суви или 50 гр свежи листови на љубичица (Viola) и една лажица мед. Се вари 5 мин. Садот се затвора и се остава да стои 15 мин. Се пие на секој час по една голема лажица во наредните 4 - 6 недели.

Крин за кожни промени и рани

Во едно литарско шише се става бел крин (Lilium candidum), се прелива со ракија и се остава 10 дена на топло место. Нежно притискајте ги местата каде што чувствувате болка и масирајте ги.