Внесување на нови продукти во исхраната
На доенчето во деветтиот месец, покрај млекото потребна му е дохрана со други продукти. Притоа треба да продолжите со доењето односно хранењето со шишенца. Покрај мешовитата исхрана на доенчето му се потребни барем уште 2 млечни оброци дневно.

Сега веќе на доенчето може да му понудите овошје, зеленчук, јогурт, житарици, месо, жолчка и тестенини. Храната нудете му ја по препораките за здрава исхрана затоа што во детството се обликува вкусот и подоцнежната навика на одредена храна.

Пред наполнети 12. месеци на детето НЕМОЈТЕ да му нудите неадаптирано кравјо млеко, белка, мед, свинско месо, ореви, лешници, кикирики и чоколадо... Во првата година ограничете го користењето на сол и шеќер.

Неадаптирано кравјо млеко е непримерена исхрана за доенчиња затоа што по својот состав многу се разликува од мајчиното млеко. Содржи многу протеини и минерали, а малку шеќер. Составот на масти е поинаков и можно е присуство на многу бактерии.

Јадам сам

Во осмиот месец многу доенчиња се воодушевени од самостојното хранење. Развеселете ги па понудете им продукти кои можат лесно да ги фатат и да ги стават во уста(нпр.парчиња меко овошје, варен зеленчук или леб).

Староста од осум месеци е време кога повеќето доенчиња се спремни за малку покрупни згмечени состојки, затоа што сега весело вежбаат џвакање.

Препорачливо е да се придржувате на секојдневната рутина и да му подготвувате оброк секој ден во исто време. Ако е можно (барем) за време на ручек нека се собере целото семејство. Со тоа ќе го научите доенчето дека хранењето е и социјална вештина.

Моето доенче
Развојни фази
Исхрана
Спиење
Здравје и нега
Мама и тато
Си играме