Омилени игри
Гласна смеа кај доенчето може да предизвикате со нежно скокоткање или дување во стомачето. Можете да си играте и “Буба буба - ѕе”. При повторување на игрите доенчето ќе знае што може да очекува и затоа ќе ужива уште повеќе.

Во тој период доенчето сака да го истражува своето тело и си игра со своите прстиња. Со радост го истражува Вашето лице, ги допира Вашите усни, нос, веѓи и коса. Се радува кога Ве допира.

Се повеќе го воодушевува посматрање на својот одраз во огледалото, иако сеуште не сфаќа дека тоа е неговиот одраз (повеќето тоа го учат при крајот на првата година)

Повеќето доенчиња се воодушевуваат од бучни игри. Развеселете го доенчето и придружете му се – заедно тропајте на тенџерињата со голема лажица и капак. Заиграјте на различен вид на музика, или приближете му го животинскиот свет со имитирање на гласот на животните.

Шлапкање во кадичката

Привикнувањето на доенчето во вода нека почне во вашата када. Покажете му колку е пријатна играта во вода и како Вие уживате во водата. Дозволете му да прска вода насекаде и притоа внимавајте да не правите ништо на сила. Вежбањето во вода со игра и дружење поволно ќе влијае на растот и развојот на детето. Тоа ќе овозможи урамнотежен психосоцијален и моторички развој.

Треба да знаете дека доенчето побрзо ја губи топлината од возрасните и затоа не смее да биде во вода подолго од 20 минути. По капењето потребно е да го избришете и завиткате во сува крпа.

Се подразбира дека доенчето не треба да го бањате во базен ако е болно или има повишена температура, а препорачливо е и после вакцинирање да почекате неколку денови.

Моето доенче
Развојни фази
Доење и дохрана
Воведување на дохрана
Здравје и нега
Спиење
Си играме