Доенчето веќе има воспоставено свој ритам на спиење. Дневниот одмор е отприлика секој ден во исто време, навечер има час за заспивање и час за будење. Ноќе спие околу 10 часа и потребно му е уште околу три пати по два часа спиење во текот на денот. Повеќето доенчиња (пред се доените) се будат еднаш до два пати за доење.

Издржете во секојдневната рутина која ќе го смири доенчето и ќе му даде до знаење дека се ближи времето за ноќен одмор. Сеуште трудете се да го оставате детето само да заспие во креветчето. Никако немојте веднаш да го земете во раце штом се огласи, затоа што тоа може да биде последица на замор. Ако веднаш го земете од креветчето, му ја одземате и шансата само да се смири и заспие. Можете да му помогнете да се смири, со нежно тапкање по грбот или газето. Ако почне да плаче тогаш нормално ќе го земете во прегратка и ќе го смирите.

Моето доенче
Развојни фази
Доење и дохрана
Спиење
Здравје и нега
Си играме