Страв од доктор
Некои деца се плашат од доктори. Веројатно им останало во сеќавање некое непријатно искуство. Можеби тоа не е поврзано лично со докторот, туку со некоја несреќа после која детето морало да посети лекар, или со болест од која се чувствувало лошо.

Подгответе го детето за посетата кај лекарот. Објаснете му како ќе изгледа прегледот и што ќе прави лекарот. Не заборавајте да му кажете дека кај лекарот одите за да му биде подобро. Прочитајте му некоја сликовница за лекарите. Можеби ќе му го намалите стравот ако играте игра во која Вие, или тоа сте лекари. Детето нека ги прегледа своите “болни” играчки. На тој начин ќе утврдите од што се плаши детето. Ако детето сеуште се плаши, разговарајте со неговиот педијатар.

Заби

Пред третата година, за здрави заби најважна е правилната исхрана. После третата година хигиената на забите и усната празнина добива вистинска смисла. Детето е се повешто и многу работи сака да прави само. Во овој период има веќе околу 20 млечни запчиња. Мијте ги забите наутро и навечер. Поттикнете го детето само да ги мие забите, а Вие само завршете го миењето. Изборот на четки за заби е огромен. Одберете таква на која јасно е напишана староста за која одговара. Производите за деца се под строга контрола и затоа можете да бидете сигурни дека податоците се точни. До третата година не е нужно да се користи паста за заби. Ако користите паста пред детето да научи да ја исплука, користете паста без флуор. Количината на пастата нека биде во големина на зрно грашок.

По третата година носете го детето на контролен преглед кај стоматолог, иако Ви изгледа дека се е во ред.

Стоматологот на тој начин ќе презема превентивни мерки, како што е пломбирање или премачкување со флуор, со што ќе се намали можноста за појава на кариес.

Развојни фази
Исхрана
Здравје и нега
Спиење
Си играме
Добро е да се знае