Потешкотии со спиењето
На тригодишно дете му се потребни 10-12 часа ноќно спиење и понекогаш и двочасовен одмор во текот на денот. Ноќното будење на децата претставува вистински проблем во семејството. Уште полошо е ако детето не сака да заспие навечер. Тоа за родителите е исцрпувачко. Тригодишното дете е во период на учење на своето тело и се прашува дали спиењето му е вистински потребно. Се грижи дека нешто ќе пропушти ако спие. Понекогаш се плаши да заспие и заради грижата дека нема да бидете покрај него кога ќе се разбуди. Сето тоа може да бидат причини заради кои децата не сакаат да одат во кревет.

Спиење во брачниот кревет

Многу деца сакаат да спијат во собата на родителите, или во нивниот брачен кревет. Едноставно правило што е исправно, а што не, нема. Важно е режимот на спиење да Ви одговара Вам. Многу деца преспиваат во креветот на родителите само дел од ноќта - Ви се придружуваат кога ќе се уплашат. Тешко ќе ги уверите повторно да заспијат во својот кревет, многу родители не се ни обидуваат да го направат тоа.

Развојни фази
Исхрана
Здравје и нега
Спиење
Си играме
Добро е да се знае