Прослава на првиот роденден
При крајот на првата година повеќето родители се радуваат на прославата на првиот роденден. Кога ќе го планирате тој важен ден помислете и на тоа дека Вашето дете нема да се чувствува убаво ако на неговата забава има премногу луѓе. Обидете се да се ограничите на луѓе кои детето добро ги познава, значи на блиските членови од семејството и само неколку најдобри пријатели. За големи роденденски прослави  ќе имате прилика следните години. При планирањето на забавата поведете сметка на времето за одмор на детето. Забавата нека биде во време кога детето е наспано и сито. Сите поканети предупредете ги да бидат точни, затоа што забавата не може да се развлече цело попладне. Тоа би било пренапорно за вас и за детето. Важен е и составот на менито, за децата е непримерен чипсот, оревите и слично. Изберете торта која може да ја јаде и славеникот (забавата му е наменета нему) Наместо преблага чоколадна торта изберете овошна торта.

Немојте да заборавате на апарат за сликање или камера со која ќе ја овековечите првата роденденска забава.

Играчки

Детето обожава да ги имитира родителите и затоа ќе се израдува на телефонот, далечинскиот управувач, дрвената лажица. Сите овие предмети можете да му ги купите во облик на играчки, или дајте му стар мобилен телефон и обична пластична лажица. Сака да си игра и со топки, валјаци, играчки со колца, плишани играчки, книги, едноставни музички инструменти, количиња, коцки, играчки за вода и песок...

Моето доенче
Развојни фази
Исхрана
Здравје и нега
Спиење
Добро е да се знае
Си играме