/11 /11

Високата температура ги присилува децата да се одмораат и да спијат повеќе, што е многу важно за потполно оздравување.  Со доаѓањето на сезоната на грипови и настинки, многу родители често посегнуваат кон ладни облоги и парацетамол, за да ја симнат температурата на своето болно дете. Но најновата студија го тврди токму спротивното, дека високата температура всушност може да им помогне на децата во борба против болестите. Еден американски педијатар открил дека грозницата (високата температура), типична за многу детски болести може да помогне во лечење на децата бидејќи ги присилува да легнат, да се одмораат и да спијат повеќе.

Родителите често се прашуваат што да прават кога децата имаат висока температура.  Hannah Chow-Johnson, професорка на Универзитетот во Чикаго тврд дека високата температура им помага на децата побрзо да закрепнат, посебно ако е во прашање вироза.  Грозницата е дефинирана како температура над 37,5 степени Целзиусови, но може да биде знак и за други посериозни болести.

Препораки на докторката Chow за третирање на висока температура се:

- Зголемената температура не е опасна: тоа е имунолошки одговор на телото на болест.

- Телото на детето ја контролира температурата е тоа нема да се промени што и да правите. Немојте да го разбудувате детето од длабок сон само за да му дадете лекови за намалување на телесната температура. Ако температурата се движи во интервал од 37,5 – 38,5 оставете го детето да спие. Спиењето е поважно.

- Топломерите со кои се мери температура во уво и на чело не се веродостојни. Држете се до добриот стар топломер за најпрецозно мерење.

- Доколку детето пие доволно течности и редовно мокри, можете да го лечите дома.