Фото:Canva/Првото движење не е само физички момент. Тоа е твоето „те слушам, бебе“. Твоето „не сум сама“. Тоа е почеток на приказна.

/11 /11

Иако бебето почнува да се движи многу рано, уште во првите недели од развојот, жената обично не може веднаш да ги почувствува тие мали „акробации“ во стомакот. Тој прв сигнал често се опишува како „пеперутки“, меурчиња или нежно галење одвнатре, момент што многумина го паметат цел живот.

Кога најчесто се чувствуваат првите движења?

Во повеќето случаи, првите јасни движења се чувствуваат помеѓу 18-тата и 24-тата недела од бременоста.

Сепак, времето може да се разликува.

Ако се работи за прва бременост, мајката обично ги препознава движењата малку подоцна, бидејќи не знае точно што да очекува и како би изгледале тие движења.

Ако се работи за втора или следни бремености движењата може да се почувствуваат и околу 16-тата недела, бидејќи мајката веќе го препознава чувството.

Како се чувствуваат првите движења?

Во почетокот, тие не изгледаат како „удари“ како што многумина ги замислуваат. Жените најчесто ги опишуваат како: лесни пеперутки, меки вибрации, движење на гасови, но на поинаков начин, мало треперење или лизгање.

Со тек на време, движењата стануваат поочигледни, мали удари, превртувања, па дури и „потчукнувања“ кога бебето реагира на звуци, светлина или на она што мајкта го јаде.

Што влијае на тоа кога ќе се почувствуваат движењата?

Неколку фактори имаат важна улога

Позицијата на плацентата. Ако плацентата е на предниот ѕид, движењата може да се почувствуваат подоцна.

Од големината и активноста на бебето, зависи некои бебиња да се однесуваат поспани, а пак други да се многу активни.

Оние мајки кои претходно родиле знаат какви се движењата и може веднаш да ги препознаат.

Телесната градба кај некои жени доведува до тоа да е потребно повеќе време движењата да станат јасни.

Кога треба да побараме совет од лекар?

По 24-тата недела, и тоа ако: сè уште не чувствувате движења, или забележите намалување на активноста што претходно била јасна, треба да се јавите кај гинеколог или во дневна болница за консултација.

Движењата на бебето се важен показател за неговата благосостојба.

Првото бебешко движење не е само физичко чувство туку е и емоција. Тоа е првиот допир меѓу мајката и бебето, момент откриен само за двајцата. Секое тело е различно, и секоја бременост носи свое темпо. Најважно е да слушате, да бидете нежни со себе и да уживате во секој дел од ова уникатно патување.