/11 /11

Екипа стручњаци од медицинскиот факултет во Вашингтон развиле техника која може да дијагностицира намален имунитет и тоа на примерок на крв од папочната врвца. Откриле дека бебето, чија крв ја тестирале, почесто ќе страда од респираторни инфекции во првата година од животот. “Вирусните инфекции се почести во детството” - рекол главниот автор на студијата, Др. Кахару Сумино и додал – “Во главно се работи за по благи инфекции, но постои широк дијапазон на одговор на организмот – од нормален симптом на настинка, до тешки воспаленија на белите дробови. Сакавме да дознаеме дали нашиот вроден имунолошки систем, кој реагира на вирусите со кои се сретнуваме при раѓање, има било какво влијание врз ризикот од добивање на респираторни инфекции во тек на првата година од животот”.

Тимот користел примероци од крв од папочната врвца на 82 бебиња за мерење на одговорот на вирусните инфекции, познат како интерферон гама протеин (IFN – gama).

Истражувачите изолирале еден вид на бели крвни клетки и ги довеле во контакт со вирус, кој обично предизвикува респираторни инфекции. Потоа ја мереле количината на интерферон гама протеинот како одговор на борба против вирусот.

Родителите на децата чија крв произвела голема количина на интерферон гама протеин имале незначителен број на настинки во тек на првата година. Во исто време, бебињата чија крв произвела ниско ниво на антитела имале почести настинки, кои преминувале во воспаленија на увото и синусите, како и воспаление на белите дробови.

Ова најново истражување ќе помогне во напорите за изнаоѓање начини за зајакнување на имунитетот во борбата против големиот број на вируси.

Др. Сумино изјави – Пред нас е долг пат. Мерењето на нивото на интерферон гама протеин е многу сложено. Во иднина ако усееме да развиеме релативно лесен начин на откривање на недостатоци во тој систем, тогаш  ќе бидеме во можност да најдеме и лек кој ќе го поттикне вродениот имунитет.

Извор: Journal of Allergy and Clinical Immunology